- Alborecemos col cielu nuboso ya con unes temperatures que tan alrodiu de los 15ºC, rexistrándose nel puirtu Payares 9ºC.
- Güei van dir dixebrándose les nubes del alborecer pa dexanos un día soleyeru y afayaizu con unes temperatures n’ascensu ya col aire que sedrá sele en xeneral predominando la componente norte en superficie.
- Mañana miércoles veremos menos nubes nel cielu ya tará prauticamente escampláu con unes temperatures que siguen n’ascensu, sobre too nel interior que puen algamar de nuevu los 30ºC a primera hora de la tarde. Na costa l’aire nordés fadrá que l’ascensu seya menor con másimes ente los 22-23ºC.
- El xueves alboreceremos ente’l borrín y la nublina pero dirá dixebrándose rápidamente pa dexanos el cielu poco nuboso. Esti día les temperatures van tocar techu y en zones del interior les másimes puen llegar a los 35ºC, mentantu que na costa les másimes rondarán los 24-25ºC
- El vienres el cielu va tar con nubes y les temperatures aniciarán un descensu anque esti día l’ambiente sedrá tovía chornosu.
- A partir del sábadu pela tarde y sobre too’l domingu según se sitúe un embolsamientu d’aire fríu emburriáu pol vientu del norte podríemos tener un camudu radical del tiempu que mos trayera la seronda de sópitu, con un descensu bultable de les temperatures, precipitaciones abondoses y hasta nieve nes cumes de la cordelera pero esto yá lu diremos viendo, de momentu toca esfrutar de los últimos coletazos del branu.
