- Alborecemos con escasa nubosidá o cielu escampláu, sicasí no fonderu los valles con delles nublines. Les temperatures tan alrodiu de los 12ºC, rexistrándose nel puirtu Payares 4,3ºC.
- Güei vamos tener un día soleyeru y perguapu con escasa nubosidá y temperatures afayaices, sicasí na costa l’aire nordés pue ser cafiante y baxar la sensación térmica.
- Mañana miércoles tará’l cielu más empuercáu de nubes altes que malpenes velarán el sol anque a primeres hores los estratos puen tar presentes na fastera central asturiana, amás suben les temperatures y el nordés dirá amenorgando pel llitoral.
- El xueves l’ascensu de les temperatures pue ser moderáu ya pasaremos calor nes hores centrales del día, pudiendo algamase los 30ºC en dalgún puntu del interior asturianu. El cielu tará empuercáu de nubes medies y altes entemecies ente dellos claros o abancios y l’aire sedrá sele ya variable.
- El vienres sedrá un día mui asemeyáu con nubes medies y altes que malpenes velarán el sol ya con unes temperatures másimes que rondarán los 25ºC na mayor parte d’Asturies.
- Paez que’l sábadu aumentará la nubosidá que mos dexará precipitaciones al finar el día pero esto yá lu diremos viendo.
