- Alborecemos col cielu empuercáu de nubes altes ya con unes temperatures que tan alrodiu de los 16ºC, rexistándose nel puirtu Payares 18,4ºC
- Güei vamos tener nubes medies y altes entemecies ente dellos claros o abancios con unes temperatures que van caltenese mui altes nes hores centrales del día con másimes perriba nidiamente de los 30ºC nel interior asturianu, más contenies na costa por mor de les brises marines. L’aire sedrá sele en xeneral con predominiu de la componente sur.
- Mañana sábadu dempués d’una mañana seliquina con nubes ya claros o abancios dirá surdiendo nubosidá de desendolque que mos dexará al atapecer xarabatos de calter tormentosu ya moderaos con unes temperatures en descensu ya col aire que tiende arreciar ya rolar a componente norte.
- El domingu paez que nun lloverá pela mañana pero de tarde cola llegada d’un embolsamientu d’aire fríu n’altor s’activarán les nubes y mos dexarán de nuevu xarabatos tormentosos, amás les temperatures descenderán bultablemente y la nieve podrá surdir perriba de los 1800m, situación que va continuar durante’l riscar y tol día del llunes onde les nevaes en zones altes de Picos d’Europa perriba de los 2200m puen dar que falar.
- Paez que mos entra de sópitu la seronda dempués de los calores d’estos díes y tien pinta de quedase
