- Alborecemos con escasa nubosidá, sicasí na fastera ocidental yá tienen el cielu nuble. Les temperatures tan alrodiu de los 13ºC nel interior y los 17ºC na costa onde sopla dalgo l’aire gallegu baxu. Nel puirtu Payares rexistren 8,1ºC
- Güei va dir n’aumentu la nubosidá pa dexanos el día nuble rápidamente ya inclusu pue cayer dalguna goterea dispersa durante la mañana y al finar el día. Ente medies tendremos intervalos nubosos entemecios ente pequeños claros o abancios con unes temperatures másimes n’ascensu ya col aire gallegu que seguirá siendo molestu nel llitoral y zones altes de la cordelera.
- Mañana vienres rolará l’aire a componente norte y amenorgará dalgo, amás nel cielu vamos tener intervalos nubosos entemecios ente dellos claros o abancios con unes les temperatures que van camudar poco.
- El sábadu tará el cielu empuercáu de nubes altes que malpenes velarán al sol, sicasí nes primeres hores va tar más nuboso. Les temperatures van caltenese afayaices y l’aire sedrá sele ya variable.
- Y paez que’l domingu va tar más escampláu con unes temperatures en bultable ascensu.
