- Alborecemos col cielu poco nuboso o escampláu, sicasí no fonderu los valles hai nublines ya borrinos con unes temperatures que tan alrodiu de los 15ºC y otra vegada más con iversión térmica rexistrándose nel puirtu Payares 18,1ºC o na vega d’Urriellu 19,5ºC.
- Güei yá nun vamos tener el cielu tan llimpiu como ayeri y surdirá nubosidá alta durante’l día con unes temperatures másimes n’ascensu que sobrepasarán los 30ºC nel interior asturianu quedando más contenies pela costa por mor de les brises marines. L’aire sedrá sele ya variable.
- Mañana vienres sedrá un día mui asemeyáu con temperatures mui altes al mediudía, perriba de los 30ºC, col cielu empuercáu de nubes altes pero que malpenes velarán el sol ya col aire que sedrá sele ya variable.
- El sábadu descenderán les temperatures y surdirá nubosidá de desendolque pela tarde dempués d’una mañana soleyera que mos dexará precipitaciones de calter tormentosu ya moderáu al atapecer. L’aire dirá rolando a componente norte con raches modereaes cola truena.
- El domingu ye probable que tengamos una mañana seliquina con nubes ya claros o abancios y nun sedrá hasta l’atapecer cuando de nuevu los xarabatos tormentosos surdán de nuevu. Les temperatures diguen en descensu y l’aire de componente noroeste pue soplar con raches fuertes nel llitoral y zones altes.
