RTPA /
El presu palestín Basim Khandaqji escribió la novela de forma clandestina dende una cárcel israelina. La editorial asturiana Hoja de lata asoleya ‘Una máscara del color del cielo’. Ye la novela que ganó’l premiu de les lletres árabes en 2024 y tien la particularidá de que foi escrita dende una cárcel israelina. El so autor, Basim Khandaqji, ta presu dende 2004 y escribióla de forma clandestina. Pa Hoja de Lata ye un arguyu ser el sellu que la asoleya n’español.
En 2024 les lletres árabes premiaron per primer vegada una novela escrita dende una cárcel israelina. El so autor y según el relatu del so hermanu, escribía de madrugada, enantes de que los funcionarios ficieren la primer ronda.
De manera clandestina algamó sacala y ‘Una máscara del color del cielo’ ganó’l llamáu Booker Árabe. Cuando la prensa española faló d’ella, Hoja de lata interesóse polos derechos pa tornala al castellanu.
Na negociación influyó que la editorial yá asoleyare a autores palestinos. La editorial confía nel poder revulsivu de la ficción.
Y esta ye la historia d’un arqueólogu palestín que vive nun campu de refuxaos cerca de Ramala. L’atopamientu d’un documentu déxalu facese pasar por israelín, entrando asina nun conflictu d’identidá.
L’hermanu de Khandaqji visitará bien llueu Asturies pa falar de la novela y de la so situación. Lleva dende 2004 en prisión acusáu de participar na resistencia palestina.
