Les 92 escueles d’Infantil empiecen el cursu con 4.269 matriculaos

Los más pequenos fueron los primeres en tornar —o dir per primer vegada— al cole. Faenlo cinco díes primero que’l restu de neños, adolescentes y adultos d’Asturies, que van volver a les clases esti 9 de setiembre. En total son 4.269 los alumnos matriculaos en dalguna de les 92 escueles de primer ciclu d’Infantil (0 a 3 años) d’Asturies. Del total d’estos centros, 38 formen parte de la rede pública, autonómica y gratuita de Les Escuelines, con 921 neños y neñes y 155 técniques d’educación infantil (TEI). Coles mesmes, de les 38 escueles de 0 a 3 en funcionamientu, 16 vienen de la primer fase de la rede autonómica, ente qu’otres 22 son de titularidá municipal qu’esti mes integráronse nel Principáu.

Un cursu marcáu pola ampliación de la rede pública y gratuita asturiana, que s’espera, siga creciendo hasta llegar a les 92 escueles en, prácticamente, tolos conceyos del Principáu.

La escuelina Los Pegoyinos ye una de les 92 escueles del Principáu que va acoyer a los 4.269 alumnos qu’empiecen el primer ciclu d’infantil, de 0 a 3 años.

D’elles, 38 formen parte de la rede pública y gratuita Les Escuelines, con 921 neños y 155 técniques d’Educación Infantil. Dieciséis escueles vienen de la primer fase de rede y otres 22 yeren de titularidá municipal qu’esti mes integráronse nel Principáu.

La fase unu va completar con otros 15 centros que se van dir abriendo a midida que rematen les obres y tengan los recursos necesarios.

Les próximes escueles n’abrir van ser la de Vega, en Sariegu, Llugones, en Siero y Les Campes n’Uviéu. Amás yá ta en marcha la fase dos, con otros 17 centros que s’espera qu’abran ente payares d’anguaño y febreru de 2026.