El 19 de setiembre, y entamáu pola Sociedá Uvieina de Festexos (SOF), les carroces del Día d’América n’Asturies, van percorrer les cais del centru de la ciudá. Miiles d’espectadores alleguen tolos años a esta gran cita mateina qu’anguaño celebra la so 73 edición.
Te cuntamos un pocu d’hestoria. La idea del desfile del Día d’América n’Asturies, tou un homenaxe a la emigración, nació nos años 40 del pasáu sieglu. El guion foi una creación el pintor uvieín Alfonso Iglesias, autor de los personaxes Alfonso, Telva y Pinín, protagonistes d’unes tires risibles que se publicar na prensa local. Trátase d’un homenaxe a la gran cantidá d’emigrantes asturianos a América, que pel branu volvíen a Asturies y amosaben los sos luxosos “haigas” por un Uviéu pocu motorizado.
El primer desfile celebróse’l 23 de setiembre de 1950 y rexuntó a miles de persones estelaes pol luxu de casi 60 haigas engalanaos de flores y banderes, nueve bandes de música y ocho xarrés desfilando pola cai Uría. Les carroces diseñaos por Iglesias representaben la despidida del emigrante, el barcu que lu lleva a América, los países principales de destino- Cuba, México y Arxentina-el regresu del indianu, yá ricu, nun modernu avión y a España, que lu acoyía.
A finales de los años 50 y empiezos de los 60, la emigración empezó a empobinase escontra Europa y eso treslladóse al propiu desfile. Empezaron a allegar grupos folklóricos d’Alemaña, Bélxica o Suiza.
El desfile camudó de la que lo faía la sociedá. Güei ye un homenaxe tantu a los asturianos que se fueron como a los miles d’inmigrantes que moren n’Uviéu, una comitiva de multiculturalidad, colorismo y convivencia.
#Oviedo
#SanMateo2025
#DíaDeAméricaEnAsturias
#OviedoOrigenDelCamino
