3.000 persones participen güei nos actos centrales de la Selmana Europea del Deporte. Ayeri, nel Palaciu de los Deportes d’Uviéu, vivióse una de les xornaes más interesantes de la temporada.
Foi una ocasión perfecta pa conocer a munchos de los clubes que desenvuelven la so actividá deportiva nel conceyu, amosando a neños, neñes —y tamién a dalgún qu’otru adultu interesáu— la riqueza de les sos disciplines deportives.
Mientres dalgunos optaron por realizar exhibiciones dientro de la pista, otros prefirieron instalase en estands informativos alredor de la instalación, averando asina’l so deporte al públicu d’una forma más directa y cercana.
