Güei celebramos el Día d’Asturies como manda la tradición: cola Alborada, esa música qu’anuncia l’amanecer y abre el camín a la fiesta.
Per un sitiu, l’alborada remembra la imaxe de los pasacais nos que los gaiteros, a primer hora de la mañana, percuerren les cais para enllenar l’aire de melodíes festives. Por otru, funde los sos raigaños n’antiguos cantares al sol de tradición celta, de los qu’entá queda l’ecu d’una espiritualidá lluminosa: si antaño podíen tener lletra, güei caltiénense como pieces instrumentales que falen por sí mesmes.
Nos sos oríxenes, el gaiteru yera l’encargáu d’espertar al pueblu con estes melodíes, improvisaes en munchos casos, o inspiraes en toques de diana militares afechos al ámbitu popular. Col pasu del tiempu, la cencellez inicial tresformóse: músicos y compositores empezaron a dar forma a pieces más ellaboraes, que fueron conquistando a quien les escuchaben y consolidando l’alborada como un xéneru musical propiu.
La so esencia, sicasí, permanez inmutable: dar la bienvenida al día, espertar l’allegría y abrir les puertes de la celebración.
Güei, miles d’alboraes resonen n’Asturies y en tol noroeste peninsular.calteniendo viva la misión ancestral d’esti xéneru: celebrar la vida dende la primer rayada.
Javi Domingo ye diseñador y ilustrador, especializáu en comunicación científica. Apasionáu pola bioloxía y la divulgación, utiliza la creatividá como ferramienta para averar la conocencia y fomentar la empatía. Trabayó para La Vanguardia, el Conceyu de Xixón, el Xardín Botánicu y en proyectos de divulgación ambiental ya infantil. Apocayá ilustró un cuentu sobro trestornos dixestivos cola editorial *Babidibú. Anguaño compaxina’l so llabor como freelance col so trabayu nel equipu de comunicación del Centru d’Investigación n’Agrigenómica.
Leticia Sánchez que lleva’l sol dientro alluma nuesa portada tresformándola siempres nuna fiesta..
@javidomingoh
@letisaurus .
@theasturianer .
#diadeasturias
#covermagazine .
#culturaasturiana.
#musicaasturiana
