TPA /
Una docena de voluntarios participen na llimpieza ambiental añal de la Real Asociación Asturiana de Pesca.
Bolses de plásticu con escrementu d’animales, ropa o botelles. Son dalgunos de los elementos recoyíos por una docena de voluntarios ente Uxo y la desembocadura del ríu Turón. Nun ríu Caudal que nun atoparon mui puercu aseguren Nel Morales y Noé Rodríguez, voluntarios.
Precisamente, estes batíes ambientales busquen concenciar, caltenelu llimpiu y caltener la redolada. Facilitando tamién la bona práctica pesquera señalen Ignacio Fernández, vicepresidente de la Real Asociación Asturiana de Pesca Fluvial; y Teresa de la Fuente, conceyala de Medioambiente.
La Real Asociación Asturiana de Pesca llimpia añalmente’l ríu en Mieres. En collaboración col conceyu y Coxersa.
