TPA /
La especie invasora altera los ecosistemes marinos y afecta al turismu. L’alga asiática del Pacíficu ta llegando a les sableres del oriente asturianu pol aumentu de la temperatura del mar Cantábricu. Precisamente, los pañadores d’ocle de les sableres llanisques dieron estos díes la voz d’alarma, la planta invasora entemezse cola autóctona pasando, prácticamente, desapercibida señalen Carlos Blázquez, pañador d’Andrín; y Daniel Albuena, pañador de Pría.
Esta alga invasora pue crecer hasta los 30 centímetros, causando daños ecolóxicos al alterar los ecosistemes marinos: les sos espores torguen el pasu de la lluz y del osíxenu al fondu marín. Amás, provoquen daños socioeconómicos afectando al turismu aseguren Chema París, turista de Zaragoza; y Josefina de la Vega, visitante d’Uviéu.
La coordinadora Ecoloxista d’Asturies va tomar les midíes de control establecíes va tres años pa desaniciala cuanto enantes, yá que ye bien difícil desaniciala una vez establecida fuera del so hábitat natural.
