LNE /
L’Alcalde anuncia y dedica la designación énte más d’un centenar de clubes y escueles deportives: «Ye’l premiu al vuesu trabayu permanente, ensin horarios». Semeya de familia del Alcalde y la conceyala de Deportes, con representantes de clubes y escueles deportives pa celebrar la designación, na plaza del Conceyu d’Uviéu.
Uviéu va ser Ciudá Europea del Deporte en 2026. «Tenía la esperanza de qu’esta tarde diba comunicavos daqué bien importante pa Uviéu. Fixéronnos Ciudá Europea del Deporte». Esti anunciu del alcalde, Alfredo Canteli, atopó por respuesta una enllargada ovación de los más de cien representantes de clubes y escueles deportives que fueren convocaos nel salón de plenos del Conceyu pa conocer los detalles y novedaes de la gala de la Selmana Europea del Deporte, que va tener llugar el domingu 28 de setiembre nel Palaciu de los Deportes y la so contorna.
L’Alcalde destacó la gran importancia d’una designación «que solo consiguieron dos capitales de provincia a nivel nacional, Valladolid y Uviéu». Alfredo Canteli afirmó que la reconocencia «ye xuna noticia bien importante, supon el premiu al gran trabayu de la conceyalía de Deportes con tola so xente, que yo sé lo que trabayaron, llucharon por consiguir lo .Y tamién ye’l premiu a los más de cien clubes que trabayáis *permanentemente, ensin horarios, ensin sueldos, con poques ayudes…».
La distinción d’Uviéu como capital europea del Deporte pal añu 2026 supon la culminación de más d’un añu de trabayu coordináu pola concejala delegada d’esa área, Concepción Méndez, que pasó la prueba de fueu na defensa del dossier de la ciudá, que tuvo llugar el pasáu mes de xunu. La concejala tuvo dende esi día bones vibraciones dempués de que l’equipu desaminador valore que la candidatura d’Uviéu «tenía conteníu, nun yera daqué vacíu». L’ésitu de la candidatura d’Uviéu, añedió Canteli, «nun ye porque l’Alcalde fízolo bien, ye porque toos creo que lo fiximos bien, por eso quiero directamente estimavos esi sofitu permanente, esa llucha pol deporte n’Uviéu».
El rexidor fixo especial fincapié nos valores positivos del deporte, qu’animaron al Conceyu a trabayar nesta candidatura: «Ye salú, ayuda a faer meyores persones y tou eso vese compensáu faciéndonos Ciudá Europea de Deporte». Canteli terminó’l so curtiu discursu d’agradecimientu a los clubes y escueles deportives del conceyu con un mensaxe de futuru, cargáu de deseos positivos. «¿Yera difícil? Sí, pero habelo consiguíu, y por eso yo quiero estimavos de corazón, felicitavos a toos y pídovos que sigamos toos xuníos trabayando pol deporte n’Uviéu», manifestó l’Alcalde.
