Asturies pon a los alumnos al mandu de la llucha contra l’acoso escolar: asina ye’l nuevu plan nel que cada neñu va tener un tutor dos cursos cimeros. Volvemos ver el REEL de la campaña: Reel n’asturianu / IXUXÚ
Los colexos asturianos van cuntar con un plan contra l’acoso escolar basáu nel autocontrol del alumnáu. La Conseyería d’Educación publicó esti martes una convocatoria pal programa Tutoría Ente Iguales (TEI), que busca prevenir el bullying por aciu l’acompañamientu y la responsabilidá compartida ente estudiantes. Info
El programa, dirixíu a centros dende Infantil hasta Formación Profesional, propón que dellos estudiantes tutelen a otros de dos cursos per debaxo pa frenar estes conductes nes aules. En Primaria, por casu, un estudiante de 11 años va acompañar a otru de 9, coles mires de crear venceyos de sofitu, reforzar la empatía y ufiertar referentes a quien lo precisen.
Decenes d’estudiantes manifiéstense n’Uviéu pa pidir más midíes escontra l’acosu escolar. TPA
Más de 300 persones participaron n’Uviéu na manifestación pa pidir más midíes escontra’l bullying nos centros educativos.
La manifestación enmárcase dientro de la xornada de fuelga convocada en tol país pol Sindicatu d’Estudiantes, tres el casu de la moza sevillana Sandra Peña, de 14 años, que se suicidó tres sufrir acosu escolar.
Na concentración d’Uviéu participó la madre de Daniela, víctima d’acosu escolar. Tenía 16 años cuando se suicidó en 2024. Pide una llexislación estatal, yá que diz, los protocolos nun tán funcionando.
El sindicatu reclama más profesionales nos centros y refuerzu en salú mental.
Namás el 5,6% de los docentes diz recibir formación sobre acosu escolar. TPA
Solo’l 5,6% de los docentes diz recibir formación sobre acoso escolar. El profesoráu coincide en qu’hai un eleváu númberu d’estudiantes que perdieron empatía.
Namás el 5,6% de los docentes recibió formación sobre convivencia o acosu nes aules, según un análisis de la Fundación MAPRE y Siena Educación, nel que se retrata al alumnáu con esos comportamientos como estudiantes qu’aparentemente tienen toa triba de recursos, pero reproducen dinámiques de despreciu y falta de respetu.
Seis de cada diez docentes señala que los compañeros de clase son un factor qu’influye a esgaya nel bienestar emocional de los sos estudiantes, y el 20% insiste en que l’agresividá y l’acosu escolar ye’l tercer problema de salú mental más avezáu.
L’informe ‘El estado de la salud mental en el aula 2025’ básase nes rempuestes de 850 profesores de tolos niveles educativos de 20.000 centros de toa España (públicos y privaos) asina como nes conclusiones de 18 grupos de discusión n’ocho comunidaes autónomes.
