Habrá una esposición de más de 20 variedaes de calabaces cultivaes nel xardín. El Xardín Botánicu amplia a dos díes la celebración del so tradicional ‘Samaín’ y failo con más novedaes. 🖌 Imaxe@grafica.mente REEL
Amás d’una esposición de más de 20 variedaes de calabaces cultivaes nel xardín, la celebración del día de tolos Santos diseñóse pa esfrutar en familia con amagüestu y paseos inquietantes que darán más d’un sustu a los asistentes. El día 31 d’ochobre, dedicáu al públicu adultu, estrénase nueche de música y otres sorpreses. Por mor del aforu llendáu, pa participar en ‘Calabaces y Calaveres’, fai falta inscribise.
Nel Botánicu celebramos el Samaín guardando’l maíz na panera, y tamién con xuegos, plasmos, castañes y munches, munches calabaces.
¿Pero sabes que ye realmente’l Samaín? Nes cultures de raigañu celta marcaba’l final del branu y l’entamu de los meses más escuros del añu. Tamién se consideraba como l’entamu del añu nuevu. Nestos díes, les ánimes de los difuntos vuelven para pasiase ente los vivos y a percorrer los caminos y cases onde habitaron.
