El Principáu conmemora la Selmana Europea de la Lactancia Materna. Cerca del 70% de les madres que paren n’Asturies alimenten a los sos fíos de mano con lleche materno, una cifra que cai a la metá pasaos los cuatro meses, coincidiendo col inxerimientu al trabayu.
Los espertos creen que meyorar los permisos de maternidá podría meyorar esta práctica. D’ello falóse en Navia esta mañana, na primera de les actividaes entamaes pol Principáu pa conmemorar la Selmana Europea de la Lactancia Materna.
Los más de los ñácaros que nacen n’Asturies, ente’l 60 y el 70%, reciben lactancia materna dende la so nacencia. Sos madres salen del hospital dándo-yos el pechu y poques dexen esti vezu nos entamos.
Una parte importante deciden abandonalu cuando llega’l momentu de volver al trabayu. Los últimos datos, de 2024, afiten que menos del 40% de madres siguen cola lactancia materna más allá de los cuatro meses.
Asociaciones médiques y otres que defenden esta práctica, piden más permisos na maternidá, señala Elena Herrero, presidenta de l’Asociación Amamantar.
Güei en Navia arrancaron los actos entamos pol Principáu pa conmemorar la Selmana Europea de la Lactancia Materna. Nesta semana desendolcaránse actividaes per toa Asturies p’amosar los beneficios qu’esta práctica tien sobre la salú, tanto pa la madre como pal ñácaru, destaca Sandra Huerta, directora d’Enfermería del Área Sanitaria I.
Xornaes onde tamién s’aprovecha pa presentar novedaes en rellación a la maternidá, como la que s’entamará bien llueu nel Hospital de Xarrio, posiblemente a finales d’esti mes. Les madres que paran per cesárea yá nun tendrán qu’abandonar a los sos ñácaros na reanimación, que podrá recibir na sala de partos.
Anguaño sol lema “Dar prioridá a la lactancia materna: crear sistemes de sofitu sostenible”. Esti lema busca enfocar l’atención na importancia de construyir redolaes que faciliten la lactancia materna, tantu a nivel familiar como comuñal. Les unidaes neonatales del nuesu país y l’enfermería pediátrica y neonatal, son pilastres fundamentales nos que sofitase para consiguir esti oxetivu.
La lactancia materna ye salú, vínculo y futuru. Esta selmana pon l’acentu na necesidá de protexer, promover y sofitar la lactancia como una inversión en salú y sostenibilidá.
🌱 Alimentu natural y anovable, ensin emisiones nin borrafes.
💧 Menor consumu de recursos y agua, mayor bienestar para madres y fíos.
🌍 Una acción clave frente al cambéu climáticu y para la equidá social.
💡 Esti 2025 los oxetivos son claros: informar, consolidar sofitos, impulsar compromisos y conectar los sistemes de sofitu en tolos ámbitos.
👉 Dende la FAME recordamos que les matrones somos profesionales esenciales nel acompañamientu a la lactancia materna, trabayando por que toes les muyeres y les sos criatures puedan exercer esti derechu en condiciones d’equidá, respetu y sofitu real.
🤝 La lactancia materna ye responsabilidá colectiva.
