- Alborecemos col cielu nuboso y delles nublines no fonderu los valles con unes temperatures que tan alrodiu de los 14ºC, rexistrándose nel puirtu Payares 10,6ºC.
- Güei volveremos a tener otro día soleyeru una vegada que se dixebren les nublines del alborecer con unes temperatures altes al mediudía, sicasí al finar el día surdirán borrinos y nublines na fastera central asturiana, amás l’aire sedrá sele ya variable.
- Mañana martes alboreceremos ente la nublina que’n delles zones pue ser persistente y mui espesa pero nel restu dirá dixebrándose pa volver a llucir el sol nes hores centrales del día con unes temperatures que van camudar poco, calteniéndose un ambiente mui suave.
- El miércoles, xueves ya vienres tendremos más nubes y nublines xeneralizaes pero sin precipitaciones con unes temperatures que tienden a descender dalgo.
