- Alborecemos con intervalos nubosos entemcios ente dellos claros o abancios, tando más escampláu na cordelera y fastera surocidental d’Asturies con unes temperatures que tan alrodiu de los 11ºC, rexistrándose nel puirtu Payares 5,4ºC.
- Güei vamos tener dalgún intervalu nuboso na fastera central tando más escampláu nel restu, emburriáu pol vientu nordés que va soplar cafiante nel llitoral, faciendo que baxe la sensación térmica, ellí onde temos al abellugu d’él les temperatures ascenderán y l’ambiente sedrá afayaizu.
- Mañana sábadu alboreceremos con delles nublines y borrinos no fonderu los valles y fastera central asturiana, tando escampláu nel restu con unes temperatures que subirán dalgo, sobre too nel interior, amás na costa amenorgará l’aire nordés y l’ambiente sedrá más suave.
- El domingu tocarán techu les temperatures y pasaremos calor al mediudía, sobre too nel interior, na costa l’aire nordés tornará y les temperatures nun van camudar gran cosa. El cielu va tar poco nuboso, surdiendo dalguna nubes alta pela tarde.
- El llunes vamos seguir con esti bon tiempu ya tendremos un día soleyeru anque con dalguna nube más con unes temperatures que tiende a baxar pero mui llixeramente, malpenes lo vamos a notar.
