- Alborecemos col cielu escampláu y delles nublines no fonderu los valles ya con unes temperatures que tan alrodiu de los 12ºC, rexistrándose nel puirtu Payares 9,8ºC.
- Güei vamos tener un día de restallu con sol asgaya y temperatures afayaices, amás l’aire sedrá sele ya variable.
- Mañana sábadu alboreceremos col cielu empuercáu de nubes altes que malpenes velarán el sol anque al atapecer aumentará la nubosidá media ya mos dexará’l día nuble con unes temperatures n’ascensu con sensación de chornu.
- El domingu pela tarde mos llega un frente que nos dexará xarabatos de calter tormentosu y un descensu de les temperatures anque tovía van caltenese suaves. Pela mañana tará nuboso pero más seliquinu, emprincipiu sin lluvia.
- Más a llargu plazu entamen a vese situaciones más ivernales, concretamente alrodiu al 25 d’ochobre pero esto yá lu diremos viendo.
