- Alborecemos col cielu poco nuboso, sicasí na fastatera ocidental yá ta entrando dalgo de nubosidá con unes temperatures que tan alrodiu de los 8ºC, la metá qu’ayeri, rexistrándose nel puiertu Payares 1,9ºC.
- Güei van dir n’aumentu les nubes medies y altes pero sin más consecuencies con unes temperatures másimes que van camudar poco, alrodiu de los 20ºC ya col aire que sedrá sele ya variable.
- Mañana sábadu va tar mui nuboso cola posibilidá de dalguna precipitación pela tarde, amás les temperatures másimes descienden y malpenes van algamar los 15-16ºC. L’aire seguirá siendo sele ya variable.
- El domingu alboreceremos con dalgo d’orpín pero con tendencia a desaparecer y abrise dellos claros o abancios a partir del mediudía. L’aire nordés dirá ganando terrén y les temperatures van camudar poco, calteniéndose un ambiente fresco.
- Paez que’l llunes tendremos un día soleyeru y prestosu pero yá con delles xelaes nes zones más favoretibles al alborecer.
