- Alborecemos col cielu cubiertu y orpinando con unes temperatures que tan alrodiu de los 14ºC, rexistrándose nel puirtu Payares 7ºC.
- Güei va tar mui nuboso pela mañana con dalgo d’orpín nes zones más favoretibles pa dir abriéndose dellos claros o abancios a lu llargu la tarde con unes temperatures en llixeru descensu ya col aire del nordés que dirá coyendo fuercia.
- Mañana vienres alboreceremos con nublines no fonderu los valles pa tar escampláu nel restu, dixebrándose estes a lu llargu la mañana con unes temperatures mínimes en descensu, mentantu les másimes camudarán poco. Yá pela tarde dirán surdiendo estratos na fastera central asturiana, emburriaos pol aire nordés que pue soplar cafiante na costa.
- El sábadu una vegada que se dixebren los borrinos del alborecer vamos tener un día soleyeru y prestosu col cielu escampláu y temperatures afayaices.
- El domingu seguirá’l bon tiempu ya tendremos el cielu poco nuboso o escampláu con temperatures másimes que siguen subiendo, faciendo que pasemos calor al mediudía, amás amenorgará’l nordés y l’aire sedrá sele ya variable.
- El llunes tendremos dalguna nube pero les temperatures seguirán siendo suaves.
