HuffPost /
Este ye’l meyor quesu artesanal d’España: ellabórase n’Asturies, amásase manualmente y tien unos sellos. El xuráu del premiu La Cuña d’Oru by TGT destacó la so intensidá arumosa, testura untuosa y calter inconfundible».
El quesu Casín D.O.P de la Quesería Redes alzóse con La Cuña d’Oru by TGT a meyor quesu artesanal d’España na so primer edición. Ellaboráu nel Parque Natural de Redes, n’Asturies, esti quesu destacó, según el xuráu, pola so intensidá arumosa, testura untuosa y calter inconfundible» amás de pol so peculiar amasáu manual.
Esti quesu tradicional asturianu, el casín, atopa les sos primeres referencies nel sieglu XVI y ellabórase con lleche entero ensin pasteurizar de la vaca casina, autóctona d’esta zona de monte, que se caracteriza pola so riqueza en mantequilla. El procesu d’ellaboración ye dafechu artesanal, tal que detallen na so web, en cuayando la lleche, se desuera en recudidores y pasa a ser envolubrada en paños onde sigui espulsando líquidos mientres trés díes o más.
«Pasáu esi tiempu, empieza’l procesu d’amasáu de los gorollos, para lo que s’utiliza la mesa o máquina de rabilar. Cuando l’artesana decide que’l pasu de los gorollos va ser el postreru, les mases resultantes modélense dándo-yos forma esférica coles manos, hasta consiguir pieces circulares entartallaes de 15 a 20 cm. de diámetru, 4 a 7 d’altor y ente 250 y 600 gramos de pesu», espliquen.
Una vegada con esta forma, la decoración d’esti quesu ye cuantimenos característica y ta bien marcada pola artesana que los lleva a cabu Marigel Álvarez. Tal que recuerden, decorase con ayuda de «relieves de madera fechos a mano que s’imprimen sobro la masa» y onde se ven datos como «el nome del artesanu, una contraseña, el nome del pueblu o motivos decorativos».
«Los quesos realizaos pola artesana Marigel Álvarez lleven como marco l’escudu del conceyu de Casu, arrodiáu poles palabres ‘quesu casín’ y les iniciales M.A», espliquen na web.
Para Teodoro García, Marketing Manager de Grupu TGT, «el Casín ye un quesu con hestoria, fuerza y emoción. Esta reconocencia ye tamién un homenaxe a quien caltienen viva la cultura quesera dende’l respetu pola tradición».
