- Alborecemos con escasa nubosidá na mayor parte d’Asturies, sicasí na fastera central asturiana ta’l cielu nuboso por estratos con unes temperatures que tan alrodiu de los 14ºC, rexistrándose nel puirtu Payares 9,1ºC.
- Güei en xeneral tará poco nuboso una vegada que se dixebren los estratos del alborecer col cielu dalgo empuercáu de nubes altes. Les temperatures n’ascensu nel interior y dalgo más contenies na costa por mor del vientu nordés que pue soplar cafiante nes hores centrales del día.
- Mañana xueves más de lo mesmo, cielu empuercáu per dalguna nube alta, temperatures n’ascensu nel interior con másimes que puen averase a los 27-30ºC nes zones favoretibles, tando condicionaes na costa pol vientu nordés que pue soplar cafiante nes hores centrales del día per esta fastera.
- El vienres día mui asemeyáu tamien, con nubes altes nel cielu que malpenes velarán al sol, temperatures altes y nordés na costa.
- El sábadu hai duldes, pue cruzanos un frente poco activu que malpenes mos dexará precipitaciones pero hai dellos modelos meteorolóxicos que nin eso ya tendriemos un día como los anteriores con nubes altes y temperatures suaves pero esto yá lu diremos viendo.
