Nesta ocasión el protagonismu va ponelo’l rock astur gracies a los conciertos que, dende les 22.30h, van dar el grupu punk-ska Skama La Rede y la formación punk-folk Ochobre 
Tamién actúa xunto a ellos Fata Morgana y durante’l día va haber pases de la bandina de música tradicional Cuatrolán.
Esti sábadu 11 d’ochobre la Peña El Cañu organiza la cuarta edición del festival de cerveza artesano Seronda Fest. La Foz de Morcín, en Llugar de Riba, va acoyer dende les 11.30h esti eventu nel qu’amás de cerveza hai zona d’aparcamientu, zona d’autocaravanes puestos de comida casero y música’l país. Nesta ocasión el protagonismu va ponelo’l rock astur gracies a los conciertos que, dende les 22.30h, van dar el grupu punk-ska Skama la Rede y la formación punk-folk Ochobre. Tamién actúa xunto a ellos Fata Morgana y durante’l día va haber pases de la bandina de música tradicional Cuatrolán.
Skama la Rede tán a piques d’asoleyar el vinilu del so 20 aniversariu y nos sos conciertos tán presentando dalgunos de los temes nuevos que van formar parte d’esti trabayu. Pela so parte, Ochobre tán inmersos na xira de La rabia nos dientes el so segundu trabayu discográficu que llanzaron el pasáu 4 de xunetu. La d’esti sábadu ye una oportunidá pa poder ver otra vuelta xuntos en directo a estos grupos de dos xeneraciones distintes de rock n’asturianu que tantes vegaes collaboraron enriba d’un escenariu.
