L’antigua Fábrica d’Armes vuelve a abrir les sos puertes p’agospiar gran parte de les cuasi 80 actividaes programaes. Les vieyes muries de la Fábrica d’Armes d’Uviéu amuesen dende güei les 173 semeyes seleccionaes por Graciela Iturbide, Premiu Princesa d’Asturies de les Artes 2025, que formen la esposición cola qu’echa a andar la programación cultural d’esti recintu, que na ‘Selmana de los premios’ conozse como la ‘FPAbrica’. Videu TPA
L’antigua Fábrica d’Armes vuelve asina a abrir les sos puertes al públicu p’agospiar gran parte de les cuasi 80 actividaes que la Fundación Princesa d’Asturies (FPA) programó por mor de la ceremonia d’entrega de los sos galardones, ente elles, conciertos, esposiciones, talleres artísticos y de meditación, xuegos d’alieníxenes y una llibrería-churrería.
Dalgunes de les obres más icóniques de la fotógrafa mexicana, que se complementen con otres inédites tomaes pola artista n’España, podrán vese hasta’l 25 d’ochobre nesta esposición, ‘Graciela Iturbide:España México’ a la que s’entra ente miles de plantes de maíz.
