La viceconseyera Lara Martínez presentó güei #MadridFusiónDreamsAsturias, que reunirá en Xixón a los profesionales más influyentes de la gastronomía, la innovación y la sostenibilidá’l próximo 28 d’esti mes Turismo Asturias MADRIDFUSIÓNReferentes de l’alta cocina, l’agricultura y l’investigación van cavilgar sobro’l futuru de l’alimentación el dia 28 d’en Llaboral Ciudá de la Cultura. El Gobiernu del Principáu patrocina esti alcuentru como parte de la so estratexa pa consolidar la comunidá como destín gastronómicu y d’excelencia.
El Principáu va acoyer el foru internacional Madrid Fusión Dreams Asturies, que va axuntar el próximu 28 d’ochobre en Llaboral Ciudá de la Cultura de Xixón a dalgunos de los profesionales más influyentes del mundu de la gastronomía, la innovación y la sostenibilidá. L’alcuentru, patrocináu pol Gobiernu d’Asturies, va cavilgar sobro los grandes retos del planeta p’alimentase de forma sostenible nun contestu de recursos sobreexplotaos.
El programa previstu combina alta cocina, investigación, tecnoloxía, activismu social y memoria culinaria pa repensar el futuru del sistema alimentario global dende una mirada xusta, consciente y rexenerativa.
“Asturies demuestra que la innovación y la sostenibilidá pueden dir de la mano de les nueses tradiciones. Esti foru internacional ye una oportunidá p’amosar al mundu’l talentu, la identidá y la capacidá de lideralgu de la nuesa tierra nel ámbitu gastronómicu”, destacó la viceconseyera de Turismu, Lara Martínez, mientres la presentación del eventu celebrada güei.
“La gastronomía forma parte de la nuesa estratexa turística y de la nuesa manera d’entender Asturies: como un territoriu que curia’l productu local, protexe’l paisaxe y ufierta esperiencies auténtiques y sostenibles mientres tol añu”, añedió.
