- Les aventures de Tintín /wiki / web / X / portada
Si te gusten les hestories d’intriga, enigmes y detectives. Les aventures de Tintín son un bon exemplu d’ello, pos combinen toos esos ingredientes n’unes aventures bien entreteníes.
El ceador de Tintín foi’l dibuxante belga Georges Remí, más conocíu por Hergé. La so primer aventura publicose en 1929, y la postrera en 1976. En total publicaron un total de 24 aventures, nes que Tintín percuerre casi tolos continentes resolviendo tou tipu d’intrigues.
Hergé consiguió aunir nes historietes de Tintín l’aventura, los viaxes, l’interés por otres races y otres cultures, la investigación histórica y les meyores de la ciencia. Tou ello ensin dexar de llau valores como l’amistá, la honradez, la cooperación o l’ayuda a los más débiles.
Tintín ye’l más conocíu personaxe de cómic. Los sos llibros fueron traducíos a ensame d’idiomes, y tamién llevaos al cine. Personaxes como’l perru Milú, el capitán Haddock, el profesor Tornasol, los detectives Hernández y Fernández, o la cantante Bianca Castafiore son famosos en tol mundu.
Dende’l puntu de vista gráficu, Hergé foi’l máximu representante d’un estilu, la escuela francu – belga, o la llínea clara, caracterizada por un dibuxu llimpiu, y pola cencellez y efectividá de la narración.
