- Viviendes nes que mozos y mayores comparten espacios y creen una rede de cuidaos.
El Principáu destinará 1.300.000 euros n’ayudes pa proyectos de co-housing, según dio anuncia’l conseyeru d’ordenación del territoriu nunes xornes qu’acaben d’inaugurase n’Uviéu sobre esti tipu d’espacios residenciales. Son viviendes con espacios comunes nes que mozos y mayores comparten espacios y creen una rede de cuidaos.
El co-housing dexa a mozos y mayores compartir espacios residenciales y crear una rede de cuidaos y ayudes, siempres con precios y viviendes asequibles. N’Asturies hai tres esperiencies d’esti tipu y otros 10 proyectos en marcha.
Esta modalidá de vivienda compartida creóse en Dinamarca nos años 70 como modelu de vida, sobre manera na vieyera. Equí n’Asturies yá hai proyectos en marcha d’esti tipu que, reconocen, namás quieren vivir como se facía enantes.
El co-housing quier, mediante cooperatives, crear espacios residenciales con llugares comunes como biblioteques o comedores, pero con viviendes particulares. Nun son residencies, porque caún tien los sos horarios y rutines. Tampoco busquen beneficiu empresarial y sobre manera, abonda la convivencia.
Busca cuntar a mozos y mayores, dándo-yos una vivienda, eso sí, asequible. Unes xornaes n’Uviéu tratarán esti tema tol fin de selmana, con esperiencies españoles y estranxeres.
La Conseyería d’Ordenación Territorial subvencionará con 1.300.000 euros proyectos d’esta mena, como los tres en funcionamientu que yá hai o los 10 que tán por venir.
