THE ASTURIANER N 66
@theasturianer.
Autor ÓSCAR VÁZQUEZ / Testu: LETICIA SÁNCHEZ
Güei somorguiamos no que ye una tema recurrente na nuesa cultura y en la nuesa tradición: la maxa qu’escuende’l monte y los seres mitolóxicos que lu habiten.
Solo que nesta ocasión, estos paecen salir d’un videoxuegu, nel que los árboles álcense como guardianes y, ente les sos solombres, muévense figures de güeyos brillosos y pelos de colores imposibles.
Esti monte estiéndese más allá de los mapes conocíos, ellí onde la borrina paez alendar y los soníos entemecios con murmurios que nun pertenecen del tou al mundu humanu.
Dalgunos aseguren que la frontera ente lo natural y lo dixital haise difuminado; que los antiguos espíritos del monte adoptaron nueves formes, inspiraes pola imaxinación de quien los suañen.
Ente los felechos y los ríos ocultos, les Xanes agora tienen rellumos de neón nos sos pelos, los trasgus xueguen con lluces flotantes que paecen píxeles errantes, y el cuélebre, inmensu y serpenteante, emite un rellumu que recuerda a la rellumada d’una pantalla encendida na escuridá.
Nun ye un monte cualesquier. Ye un llugar onde la tradición y la fantasía contemporanea fúndense, onde los mitos paecen actualizase, volviendo a la vida con una estética nueva, vibrante y casi irreal.
Quien s’enfusa nél siente la sensación de tar dientro d’un suañu o d’un xuegu ensin final. Y quiciabes, solo quiciabes, eso sía esactamente lo que’l monte quier: que recordemos que la maxa nunca sume, solo camudó de forma
Óscar Vázquez González @oscar_manin ye ilustrador y diseñador gráficu en @lamagiaestudio. Sus diseños tán empobinaos al sector editorial y prensa. Forma parte del proxecto Cuélebre Cult, equipu especializáu en videoxuegos onde ye’l responsable del diseñu de personaxes.
Leticia Sanchez @letisaurus . ye unu d’esos personaxes máxicos qu’habiten esi monte, habita na copa del árbol de les palabres y enllénanos de lluz cuando invocamos la so presencia.
