- Alborecemos col cielu poco nuboso o escampláu ya con unes temperatures que tan alrodiu de los 6ºC, dalgo más pela costa, rexistrándose nel puirtu Payares 5,5ºC.
- Güei vamos tener el cielu poco nuboso en xeneral anque a lu llargu’l día dirá surdiendo dellos intervalos nubosos con unes temperatures másimes sin cambios importantes ya coles mínimes en descensu. L’aire sedrá sele ya variable.
- Mañana martes entamará a ruxir l’aire ábrigu nes zones altes de montaña faciendo que suban les temperatures no fonderu los valles por mor del efeutu foehn que xenera esti vientu al so pasu pela cordelera. Tamién mos apurrirá nubosidá abondosa, sobre too al sur y na fastera surocidental onde tendrán precipitaciones febles en xeneral, siendo poco probables nel restu.
- El miércoles les precipitaciones van a estendese a más zones y l’aire ábrigu soplará con muncha fuercia nes zones altes y espuestes con raches que puen superan los 90km/h nes cumes de la cordelera.
- El xueves dirá amenorgando l’aire y veremos el sol y paez que’l vienres pue cruzanos un frente que refrescará l’ambiente pero esto yá lu diremos viendo.
