- Alborecemos col cielu nuboso, sobre too na fastera ocidental y delles nublines no fonderu los valles anque n’otros hai dalgo de foehn ya hai baxa humedá y temperatures altes como en Mieres del Camín onde tienen 17ºC y 58% humedá, mentantu n’Uviéu demomentu rexistren 10ºC con un 90% de humedá.
- Güei va tar el cielu empuercá de nubosidá media-alta que sedrá más abondosa na fastera surocidental y cordelera onde nun se descarta dalguna precipitación feble con unes temperatures n’ascensu ya col aire ábrigu que dirá coyendo fuercia, soplando pela tarde con reaches fuertes en zones altes de la cordelera.
- Mañana miércoles sedrá un día mui asemeyáu, col cielu empuercáu de nubosidá media-alta, vientu ábrigu con raches fuertes en zones espuestes y na cordelera qu’al so pasu per ella va dexanos foehn nos valles y temperatures altes pa la época na que mos atopamos con másimes perriba de los 20ºC.
- El xueves seguiremos igual, sicasí va tar más inestable con mayor nubosidá y precipitaciones pela tarde pero les temperatures seguirán siendo mui altes.
- El vienres paez que nun lloverá pero va caltenese nuboso y les temperatures descenderán llixeramente, descensu que continuará’l sábadu y sobre too’l domingu cuando amás tendremos precipitaciones xeneralizaes, pero esto yá lu diremos viendo.
