- Alborecemos col cielu nuboso pero sin precipitaciones na metá norte d’Asturies pero sí na cordelera y valles averaos, onde lleva lloviendo persistentemente dende ayeri, per exemplu nel puirtu Payares lleven 115l/m2 dende’l pasáu alborecer. Les temperatures tan alrodiu de los 15ºC, rexistrándose nel puirtu Payares 5,7ºC
- Güei dirán cesando les precipitaciones per esa fastera y amenorgando l’aire anque tovía van dase raches fuertes, nel restu vamos tener el cielu nuboso pero sin lluvia con unes temperatures que descenderán llixeramente pero calteniéndose entovía l’ambiente mui suave nos valles.
- Mañana sábadu vamos seguir col cielu nuboso pero sin malpenes precipitaciones, sicasí na fastera más surocidental y cordelera podríen tener dalgún xarabatu, nel restu nun s’esperen. Les temperatures en descensu y l’aire sedrá sele ya variable.
- El domingu va tar nuboso cola posibilidá de precipitaciones febles, sobre too al finar el día con unes temperatures que tienden a normalizase con másimes que malpenes algamarán los 15ºC.
Y too indica que la selmana viniente, sobre too de cara’l xueves-vienres, pali que pali dirá ganando terrén l’iviernu ya finaremos la selmana con xarabatos, tronaes, xarazu y nieve pela cordelera pero esto yá lu diremos viendo.
