- Alborecemos con nubosidá media-alta ya con unes temperataures que tan alrodiu de los 6ºC, rexistrándose nel puirtu Payares 1,4ºC.
- Güei dirá n’aumentu la nubosidá a lu llargu la mañana pa dexanos el día nuble pero sin precipitaciones con unes temperatures másimes que subirán dalgo, pa dexanos un ambiente afayaizu, amás l’aire sedrá sele ya variable.
- Mañana sábadu, la llegada d’un sistema frontal dirá empeorando’l tiempu. Dempués d’una mañana más o menos seliquina, pela tarde mos barrerá un frente fríu d’oeste a este que dexará al so pasu precipitaciones de calter moderáu, amás vendrá acompangáu d’un descensu de les temperatures faciendo que surda la nieve anicialmente perriba de los 1700m pa baxar rápidamente hasta los 1200m al finar el día. L’aire sedrá de componente noroeste con dalguna racha fuerte en zones altes ya en puntos del llitoral.
- Durante’l riscar del domingu vamos tener xarabatos posfrontales intermitentes que puen dexar dalguna tronada nel llitoral y nieve pela cordelera perriba de los 1100m. Pela mañana dirán remitiendo en frecuencia ya intensidá y a partir del mediudía abriranse claros o abancios nel cielu pa dexanos una tarde seca. Les temperatures en moderáu descensu y l’aire perderá fuelle pa quedar sele ya variable al finar el día.
- Paez que la selmana viniente vamos tener la llegada de varios frentes del noroeste que mos dexarán precipitaciones y nevaes pela cordelera pero esto yá lu diremos viendo.
