- Alborecemos col cielu nuboso, sobre too na cordelera y fastera surocidental onde amás ta lloviendo con unes temperatures que tan alrodiu de los 15ºC, rexistrándose nel puirtu Payares 7,3ºC.
- Güei vamos tener el cielu mui nuboso anque solo lloverá na cordelera y fastera surocidental, nel restu pue cayer dalguna gotera feble ya dispersa. L’aire ábrigu va seguir soplando con fuercia y fadrá que se caltengan les temperatures altes no fonderu los valles, mentantu descenderán dalgo na cordelera.
- Mañana vienres veremos menos nubes, entovía lloverá dalgo na cordelera y fastera surocidental con unes temperatures que camudarán poco o descenderán llixeramente y l’aire ábrigu tenderá amenorgar.
- El sábadu y domingu paez que sedrán díes seliquinos col cielu empuercáu de nubes altes entemecies ente grandes claros o abancios, temperatures que descenderán dalgo, sobre too les mínimes y vientu sele ya variable.
- Pa más allantre paez que por fin vese dalgo más de movimientu, sobre too de cara al xueves de la selmana viniente cuando una masa fría podría entrar pel norte y dexanos un descensu bultable de les temperatures, xarabatos acompangaos de truena y xarazu y nieve pela cordelera pero esto yá lu diremos viendo.
