📷 de Resaca emocional 💜 Amagüestu 👌🏻 Música: Anabel Santiago 🎤. Gaita: Jonathan, curdión: Arancha 💛 Cultura 💛💙 Llingua 👏🏻Acompañando y agradeciendo, siempre 👏🏻 Gracies 💯 Videos y 📷. Manu AMPA y Xilio. Soníu: Dani. Noticies na prensa: El Comercio / LNE /
«Faime muncha ilusión que cunten conmigo para participar nesti tipu d’eventos, el centru ta entornáu cola llingua asturiana y con la nuesa cultura». Asina esplicó Anabel Santiago, una de les cares visibles de la tonada nel Principáu, les sensaciones tres la so collaboración col colexu Carmen Ruiz Tilve de La Corredoria na celebración del amagüestu.
Los padres tamién participen nel Carmen Ruiz Tilve. Arancha Ramos, acordionista, y Jonathan García, profesor de gaita na Escuela de Música Municipal d’Uviéu, acompañaron a Anabel Santiago nel zarru de la fiesta. «Los nuesos fíos vienen a esti colexu y ye bien cómodu. Prácticamente ye como tocar en casa«, esplicó la pareya antes d’actuar.
El colexu de La Corredoria destaca pola implicación de los sos alumnos col aprendizaxe del asturianu. Ye unu de los pocos centros educativos del Principáu que tien a dos profesores de llingua con xornada completa y el 57% de los neños tán matriculaos nesta materia, un 5% más que l’añu pasáu.
«Esti trimestre trabayamos la música, por eso ta Anabel Santiago güei equí. El segundu va dedicase a la pintura y el terceru a la lliteratura. Nun tien llibros, siempres-yos averamos la cultura con proyectos», esplicó Isa Lobo, profesora d’asturianu.
Una iniciativa enmarcada nel compromisu del centru cola cultura y la llingua asturiana. «Hai un 57% d’estudiantes n’asturianu y queremos rindir homenaxe a la cultura asturiana y a la llingua», esplicó Isa Lobo, profesora de Primaria. Una cifra, amás, que nun para de crecer: «Cada añu va n’aumentu, el pasáu tábamos nel 52%», añedió Lobo quien achaca’l acrecimiento a la incorporación d’alumnos del ciclu d’infantil qu’anguaño empezaron los sos estudios n’asturianu.
La implicación de los escolares foi clave para l’ésitu de la xornada. Provistos de panderetes feches por ellos mesmos, el so entusiasmu viose compensáu cola presencia d’una d’Anabel Santiago, quien s’amosó encantada de participar nel eventu del colexu Carmen Ruiz-Tilve. «Para mi ye una ilusión tar equí nesti centru porque tán entornaos cola llingua y cola cultura asturiana», declaró.
Santiago destacó la importancia d’actividaes como esta para caltener viva la identidá de la rexón. «Esti tipu d’iniciatives danos el mueyu de la vida a la xente que trabayamos na llingua asturiana, porque na base, nos neños, faise raigañu de lo que somos y conéctanos», afirmó. Nun mundu cada vez más globalizáu, la cantante reivindicó’l valor de lo autóctono: «N’Asturies somos un pocu ‘gallinitas’ y nun tiramos polo nueso. La modernidá vien afarando y la llingua ta apegada al raigañu, a los ancestros, y dacuando, en ciertes edaes, piérdese, pero con esta aportación faise lo posible para nun perdelo».
La xornada festiva tamién tuvo amenizá pol curdión d’Arancha Ramos y por Jonathan García, a la gaita. «Agora mesmu más que nunca ta en puxanza la música asturiana», compartieron dambos. El d’ayeri foi un día de celebración de la tradición nel colexu de La Corredoria.
