El sindicatu ANPE atendió’l cursu pasáu 54 denuncies d’acoso, agresión o insultos a profesores frente a les 70 del anterior, lo que supon un amenorgamientu del 22,9 per cientu, anque los casos son cada vez «más complexos», según recueye l’Informe del Defensor del Profesoráu correspondiente al cursu 2024-2025. RTPA

Los casos d’acosu y agresión al profesoráu mengüen un 22,9%, según el sindicatu ANPE. Un estudiu alvierte del deterioru emocional del profesoráu pola sobrecarga burocrática.

El sindicatu ANPE atendió’l cursu pasáu 54 denuncies d’acosu, agresión o insultos a profesores frente a les 70 del anterior, lo que supón un amenorgamientu del 22,9 por cientu, anque los casos son cada vez «más complexos», según recueye l’Informe del Defensor del Profesoráu correspondiente al cursu 2024-2025.

L’estudiu, que foi presentáu esti xueves, alvierte del deterioru emocional del profesoráu pola sobrecarga burocrática y la falta de recursos, énte los que reclama «mayor sofitu» por parte de la Conseyería d’Educación, al empar que reivindica’l fortalecimientu pa reconocer la figura de «autoridá» de los docentes.

La coordinadora del Defensor del Profesor n’Asturies, Montserrat Fernández, esplicó que los casos atendíos nel cursu 2024-2025, que xuben a 54, anque suponen una baxada al respective de los 70 contabilizaos nel mesmu periodu del exerciciu anterior, son «más complexos».