Diego Verdú agradez que les ventes van crecer esta Navidá un 10% polos pidíos online. Los artesanos de xelaos y turrones afiten que la campaña de venta pa Navidá adelántase añu a añu cada vez más. Dalgunos obradores, qu’empezaben el periodu fuerte de venta tres la ponte del 1 de payares, empezaron esta temporada hasta venti díes enantes d’esa fecha.
Los compradores cada vez son más previsores y les tiendes y supermercaos saquen enantes los productos al mercáu. El preciu del cacáu baxó tres la fuerte xuba de 2024 anque l’almendra, encarecióse.
Venti díes adelantóse la campaña de Navidá anguaño nel obrador de Diego Verdú. Un enclín que se vien repitiendo nos últimos años por cuenta de la mayor previsión del consumidor, señala Jesús Valdés.
Dempués de la xuba del 100% del preciu del cacáu del añu pasáu, esta temporada la materia prima baxó solo un 15%. Non asina, l’almendra, con un preciu que s’encareció 2 euros por quilo, daqué que se nota nel preciu nes tiendes.
Calculen, pese a too, que les ventes pa Navidá aumenten hasta un 10%, en parte gracies a la crecedera de los pidíos online.
