Educación tresforma n’unes orientaciones el resolvimientu d’usu de dispositivos dixitales nos centros. Actualidá / La conseyería introduz esti cambéu coles mires de fomentar l’autonomía pedagóxica. El nuevu documentu caltien les directrices comunes de caúna de les etapes y de los ciclos de la norma inicial. Enllaz pdf
Resolvimientu de 24 de payares de 2025, de la Conseyería d’Educación, pola que s’aprueben orientaciones para l’usu de los recursos dixitales en tolos centros docentes sosteníos con fondos públicos, qu’impartan cualesquier de les enseñances nel ámbitu territorial del Principáu d’Asturies.
Primero.—Aprobar les orientaciones que s’espresen de siguío en caúna de les etapes y ciclos educativos para’l fayadizu usu de recursos dixitales nel cursu escolar 2025-2026 y siguientes:
A) Educación Infantil. A1. Primer Ciclu d’Educación Infantil (0-3 años). Encamiéntase utilizar puramente recursos analóxicos y manipulativos.
A2. Segundu Ciclu d’Educación Infantil (3-6 años). Van Poder introducise, de forma progresiva conforme a la edá del alumnáu y el currículu, recursos didácticos dixitales d’usu colectivu y siempres so la directa supervisión del docente.
B) Educación Primaria. Encamiéntase utilizar como prioritarios los recursos en papel o cualesquier otru recursu analóxicu. Cuando s’utilicen
les tecnoloxíes dixitales como métodu complementariu para actividaes o xeres concretes a realizar na aula, tendrá de faese so la supervisión del docente. Sía que non, les tecnoloxíes dixitales van deber de tar afeches a les característiques y edá del alumnáu y recoyíes nel Plan Dixital de cada centru.
La Conseyería d’Educación ellaboró una nuevu resolvimientu sobro l’usu de recursos dixitales nos centros d’enseñanza sosteníos con fondos públicos, que les sos directrices pasen de ser xunas instrucciones d’obligáu cumplimientu a unes orientaciones.
La norma, publicada güei nel Boletín Oficial del Principáu (Bopa), caltien les directrices comunes, a manera d’orientación, pa caúna de les etapes y ciclos educativos que formaben parte del resolvimientu publicáu nel mes de mayu, pero adopta una nueva forma normativa. Asina se treslladó güei a los integrantes de los Comités de Direcciones.
L’Alministración educativa tomó esta decisión dempués de recibir un recursu xudicial que cuestionaba la obligatoriedá, amás de numberoses consultes y demandes llegaes dende los centros. Amás, la intención de la conseyería consiste n’incentivar l’autonomía pedagóxica, cola participación de la comunidá educativa.
El testu encuéntrase nesa autonomía pedagóxica de los centros pa escoyer los sos materiales curriculares -incluyíos, nel so casu, los llibros de testu-, según pa diseñar el so propiu plan de dixitalización. Plantega un usu coherente y responsable de los recursos dixitales na aula, atendiendo a la edá y característiques del alumnáu, según al currículu correspondiente.
