Menú serondiegu nes carbayeres cantábriques 🐻 Un mozu exemplar come abiyotes ente les cañes d’un carbayu y dos hermanos xueguen en redol a un tueru dempués d’enfarxopetara a abiyotes.
La seronda ye xuna estación crítica pa los osos, pos l’ésitu reproductor depende de la disponibilidá y la calidá del alimentu serondiego. El consumu seronda-iverniza d’abiyotes, fayucos y castañes fai que los osos engorden visiblemente, hasta pesar un 30 % más qu’a finales de primavera. La capa de grasa acumulao nesta dómina, que va ser la so fonte d’enerxía mientres la envernía y la crianza de los esbardos que nacen en xineru nes oseres, puede algamar una espesura de 15 cm en redol a los reñones.
Una interesante investigación promovida pola nuesa fundación, suxure que’l cambéu climáticu podría influyir na distribución de les especies productores de frutos secos nel cordal Cantábricu, y apunta a una contracción na distribución de los fayedales y carbayeres atlántiques, y a una espansión progresiva de los castañares, encinares y rebollares. Sía que non, y teniendo en cuenta les incertidumes acomuñaes a estes predicciones, nun paez qu’a los osos cantábricos vaigan falta-yos nutritivos frutos secos nel so menú serondiegu.
