Eva Ledo plantega a la ministra d’Educación la necesidá d’una llei nacional contra l’acoso y l’importancia de crear una especialidá docente d’asturianu. La conseyera presenta a Pilar Alegría’l Pactu Asturies Educa y les polítiques de bienestar emocional qu’aplica’l Principáu. Actualidá
Les prioridaes de xestión del Principáu, ente elles l’aplicación del pactu Asturies Educa, les polítiques de bienestar emocional y prevención del acoso y del suicidiu o la puesta en marcha de la nueva llei de Formación Profesional (FP) dientro del so ámbitu d’actuación. Ledo y Allegría caltuvieron en Madrid un alcuentru distendíu de daqué más d’una hora de duración.
Ente les temes del orde del día presentaos pola conseyera asturiana, destaca’l decretu que se ta redactando de prevención del acoso escolar. Tamién lu tresmitió a la ministra’l pidimientu de families que reclamen la ellaboración d’una llei nacional. Dambes coincidieron na necesidá de coordinar les polítiques que se lleven a cabu nesti terrén.
Amás de les midíes d’atención a la diversidá y de *desburocratización, especificó-y el puntu nel que se reivindica la creación de la especialidá docente d’asturianu, pa poder dar respuesta a los más de 330 profesionales que nestos momentos exercen nes aules del Principáu y que nun pueden nin estabilizar nin presentase a oposiciones.
