La Corredoria vuélcase cola llucha contra’l síndrome de Rett con una carrera solidaria. Los participantes van deber d’abonar una inscripción simbólica d’ente 5 y 8 euros. LNE
La Corredoria volverá tiñise de solidaridá’l día 23 de payares cola celebración de la XII Doble Milla Solidaria “Rettando al Síndrome de Rett”, una cita yá clásica nel calendariu deportivo y social uvieín.
La prueba, entamada pol CP La Corredoria y l’asociación Rettando al Síndrome de Rett, va destinar *íntegramente la so recaldación a la investigación d’esta enfermedá neurolóxica rara qu’afecta, sobremanera, a neñes.
L’eventu, que cunta cola collaboración del Conceyu d’Uviéu, consolidóse como una xornada festiva na que deporte y compromisu social van de la mano. Anguaño, la carrera va arrincar dende’l Colexu Públicu La Corredoria, con dos horarios estremaos: a les 11.30 hores van salir los más pequenos, na carrera infantil acutada a menores de 13 años, ente que a les 12.15 hores va tomar la salida la carrera popular, abierta al restu d’edaes.
Les inscripciones, que pueden realizase al traviés de la páxina www.321go.es hasta’l 21 de payares, tienen un costu simbólicu de 5 euros para los menores y 8 euros para’l restu de participantes. Amás, la organización promete *avituallamiento y sortéu de regalos ente tolos corredores, pa completar una mañana de convivencia y espíritu solidariu.
