THE ASTURIANER N 69 / LA DIOSA AMMA /Autora y Testu LUNA LINARES
Nuesa portada de güei ta dedicada a la diosa primixenia, la que representa a la madre tierra: l’Ama-lur de los vascos, la Mama-Pacha de Andar, nomes antiguos que, en distintes llingües y cultures, signifiquen lo mesmo: Madre. La diosa que da y sostien la vida. Y ye que, na nuesa pequena comunidá de ilustradores, la esmolición por derivar que tán tomando les coses volvióse bultable.
La marca Paraísu Natural cumple anguaño cuarenta años, pero esti paraísu ta en cantu del colapsu. Asturies tremez tres branos interminables. Les marees traen visitantes como folaes ensin fuelgu , solo en 2024 rexistráronse 2 833 527 viaxeros y 6 721 414 pernoctaciones, los montes bisbisen cansanciu; los montes, mancaes de tantu triase. Lo que foi abelugu empieza a convertise n’escaparate.
Les cases onde nacíen hestories camuden agora de manos al ritmu de les reserves turístiques. Los vecinos cólense, les cais pierden nomes, y el paisaxe, ese que paecía eternu, empieza a esmorecese.
Nun refugamos al viaxeru que llega con respetu, sinón al modelu que taramia lo qu’almira, que mercantiliza el paraísu hasta dexalo ensin alma.
Queremos un turismu que curie, non que conquiste. Qu’escuche, non qu’afare. Que dexe buelga nel corazón, non repulgos na tierra.
Asturies nun ye un souvenir. Ye un llar vivu, un llatíu antiguu, un llugar que merez futuru. Un turismu responsable tien de caltener la so guapura en cuenta de escosala.
Luna Linar, llicenciada en Comunicación Audiovisual, con un máster en diseñu y delles reconocencies nel ámbitu de la plástica ye l’autora de la portada.
La so esperiencia artística en Francia consolidó la so faceta como muralista, premiada en diverses ocasiones lo que la llevó a participar en residencies artístiques en Bretaña. La so obra, conectada cola naturaleza y la memoria del territoriu, dialoga con esta esmolición colectiva: la necesidá urxente de protexer aquello que nos define. @efira_creations.
Porque ensin esa madre primixenia, ensin esa tierra que nos sostien, nengún paraísu ye posible@theasturianer.
#naturalezaasturiana.
#covermagazine
