Un pueblín d’Asturies pide que se reconoza como oficial el so idioma únicu que s’enseña en caminos y cocines. Una llingua que nun se fala en nengún otru puntu del planeta. Taramundi (Asturies) 👥592 habitantes. 🗣️Ye unu de los conceyos onde se fala’l eonaviego, llingua de transición ente l’asturianu y el gallegu. Fonte: Huffington Post
Enclaváu ente los ríos Eo y Navia, Taramundi álzase como un escenariu de cuentu: caseríos de piedra, montes tupios y cascaes que remanecen ente’l monte. Sicasí, esti conceyu del occidente asturianu ufierta daqué más que paisaxes de suañu: ye l’últimu abelugu del eonaviego, tamién llamáu gallegu‑asturianu, xuna llingua única que nun se fala en nengún otru puntu del planeta.
Un idioma que, magar nun tener la reconocencia oficial del Principáu, sigue vivu nes cais, nos nomes de les aldegues y nes conversaciones de los sos mayores. Por ello, vecinos, colectivos culturales y formaciones polítiques locales xunieron les sos voces pa reclamar la so reconocencia como llingua cooficial dientro del Estatutu d’Autonomía del Principáu d’Asturies, al igual qu’asocede con otres llingües minoritaries del Estáu español.
Llueñe de los diccionarios, el eonaviego llate en cada rincón de Taramundi: nos topónimos d’aldegues como Os Teixois o As Veigas, nos refranes qu’atesoren los mayores y nos cartelos qu’afaten les sos siendes. Según el Estudiu de la Transición Llingüística na Zona Eo‑Navia, coordináu pola Universidá d’Uviéu, esta variedá llingüística pertenez al dominiu gallegu‑portugués, anque con traces propies que la faen única.
Esfuerzos por oficializalo Más allá de los museos etnográficos y los molinos d’agua reconvertíos n’esposiciones, Taramundi celebra’l so idioma en fiestes populares, feries artesanales y actividaes culturales mientres tol añu. Talleres de forxa de cuchiellos y navayes a mano con técniques tresmitíes de xeneración en xeneración, demostraciones de telar tradicional y alcuentros lliterarios atraen a visitantes ansiosos por somorguiase na cultura local.
Tanto ye asina que la Conseyería d’Educación del Principáu hai promovido programes piloto pa llevar el eonaviego a les escueles del conceyu y espacios públicos, anque esta iniciativa llevantó crítiques de sectores que lu llomen d’imposición ideolóxica”. Sicasí, dende 2023, los impulsores de la oficialidá recoyeron firmes y entamaron actos en Taramundi y n’Uviéu para visibilizar la so causa.
Perfectu pal turismu rural y el senderismo.
Famosu poles sos navayes artesanales, molinos antiguos y verdes paisaxes.
Mui cerca del máxicu monte d’Os Teixois.Getty Images
Los esfuerzos pola cooficialidá del eonaviego intensificáronse nos últimos años, cuntando col sofitu públicu del propiu director del Institutu Cervantes, Luis García Montero, pola oficialidá del asturianu, una midida qu’incluyiría indirectamente al gallego-asturianu. Otra manera, la Real Academia Galega evita pronunciase de forma clara sobro la tema, tarreciendo ser acusada d’interferir en competencies del Principáu.
El futuru del eonaviego depende agora tanto de la esfera política como del día ente día nes cocines, nos paseos pol pueblu y nes hestories que se cunten sobro Taramundi Mentanto, los sos habitantes caltienen viva la esperanza d’escuchar llueu la so llingua nos documentos oficiales del Principáu, polo que siguen los esfuerzos pa consiguilo nun futuru cercanu.
