-
Uviéu mengua los baldeos y los riegos pola falta de lluvia y el baxu nivel d’agua nos embalses. RTPA/ LNE
La capital del Principáu zarra les fontes énte la falta d’agua.
L’Ayuntamientu d’Uviéu, en coordinación cola Confederación Hidrográfica del Norte, punxo en marcha midíes cola seca, como la mengua de baldeos y riegos o la suspensión de fontes ornamentales de circuitu zarráu, énte la falta de lluvia y les baxes reserves d’agua nos embalses d’Alfilorios y Tanes.
Nun comunicáu, el consistoriu aseguró qu’estes midíes «en nengún casu afecten al consumu domésticu o industrial». Les midíes nun van afectar, pel momentu, al consumu domésticu o industrial. Esta mañana cerráronse n’Uviéu yá les fontes que nun son de circuitu zarráu y suspendiéronse los baldeos y el riegu de parques y zones verdes, sacante en xardinos con planta en flor.
Son les midíes qu’adoptó’l conceyu en coordinación cola Confederación Hidrográfica del Cantábricu énte la escasez de lluvia y les baxes reserves d’agua nos banzaos. Midíes que, afiten, nun van afectar pel momentu al consumu domésticu o industrial.
Les actuaciones activaes pasen pol pieslle de les fontes ornamentales que nun seyan de circuitu zarráu; el pieslle de les fontes de beber que nun tengan pulsador y, poro, seyan de chorru de contino; la mengua de los baldeos; y el cese del riegu de los parques y zones verdes, menos en zona de xardinos con planta de flor.
La falta d’agües dexó los banzaos qu’abastecen a Uviéu en niveles esmolecedores. Alfilorios apenes raspia’l 30% de la so capacidá, lo qu’asitia la so situación en nivel de prealerta según la Confederación Hidrográfica del Cantábricu, ente que Tañes, del que depende’l suministru a dellos conceyos del centru d’Asturies, nun llega al 50%. La escasez de precipitaciones na seronda, tres un añu yá ensugo pel hibiernu, primavera y branu, obligó a activar midíes antisequía na capital asturiana.
La área municipal d’Agües y Saneamientu punxo en marcha un paquete d’actuaciones para amenorgar el consumu nos servicios públicos, anque ensin impactu nel usu domésticu o industrial. Ente les midíes figuren l’amenorgamientu de los baldeos, l’apagáu de fontes ornamentales que nun dispongan de circuitu zarráu y el zarru de les fontes de beber con remexu continuu. Tamién se va suspender el riego en parques y zones verdes, salvo en xardinos con plantes de flor, onde se va caltener el mínimu necesariu.
