{"id":1945,"date":"2020-12-19T16:14:00","date_gmt":"2020-12-19T14:14:00","guid":{"rendered":"https:\/\/edublog.educastur.es\/ixuxu\/?page_id=1945"},"modified":"2020-12-19T16:14:54","modified_gmt":"2020-12-19T14:14:54","slug":"pepon","status":"publish","type":"page","link":"https:\/\/edublog.educastur.es\/ixuxu\/llee\/lliteratura\/pepon\/","title":{"rendered":"Pep\u00f3n"},"content":{"rendered":"<h3 class=\"entry-title\"><span style=\"color: #008080\"><em><span style=\"font-size: 16px\">N\u2019asturianu presta m\u00e1s &#8211; \u201cPep\u00f3n\u201d<\/span><\/em><\/span><\/h3>\n<h5><span style=\"color: #008080\"><em><span style=\"font-size: 16px\">Estaya de publicaciones n&#8217;asturianu, dedicaes a la nuesa cultura y tradiciones. Cola collaboraci\u00f3n de Xuan Miyar<\/span><\/em><\/span><\/h5>\n<ul>\n<li><a href=\"https:\/\/bit.ly\/32Qp9VW\"><strong>PEP\u00d3N I<\/strong><\/a><\/li>\n<\/ul>\n<div class=\"breadcrumb clearfix\"><\/div>\n<div class=\"entry-box\">\n<article>\n<header>\n<div class=\"entry-thumb\"><img decoding=\"async\" src=\"https:\/\/villaviciosahermosa.com\/thumbmaker.php?src=https:\/\/villaviciosahermosa.com\/images\/noticias\/IMG_D3F5DE-E7AD47-49C375-526748-17118F-621146.jpg&amp;w=834&amp;s=1&amp;a=t1\" alt=\"IMG_D3F5DE-E7AD47-49C375-526748-17118F-621146.jpg\" \/><\/div>\n<\/header>\n<div class=\"social-tag-box clearfix\"><\/div>\n<div class=\"entry-content clearfix\">\n<div class=\"entry-box\">\n<p>\u201cPep\u00f3n\u201d<\/p>\n<p>Y\u00e1 c\u00e1sique nun se ve nada, les lluces de los focos del cam\u00edn xunto a casa y\u00e1 quedaren llo\u00f1e, equ\u00ed nun allumen nada, Elvira llama\u00b4l perru cola voz baxa, acabante o\u00edlu goler pel suelu y depu\u00e9s d\u00b4un ruidu raru tres el matu pon l\u00b4antena, xube\u00b4l brazu comu si mandare callar al silenciu y nun siente nada. Cola boca pequena llama al Rin sele. Rin, Rin, el Rin nada. Pela caleya escura anda de contino hasta llegar cerquina d\u00b4una casa, nel Xin. Tien el focu encesu, alguarda un pocu, per un istante paez-y que se mueve daqu\u00e9, comu una roceana solombra so l\u00b4horru, peru nun ye quien acolumbrar nada. Rin, Rin&#8230; torna tres una \u00faltima g\u00fceyada&#8230; cavilga, el Rin torn\u00f3 s\u00f3lu. Col pasu aceler\u00e1u anda\u00b4l cam\u00edn de g\u00fcelta pa so casa.<\/p>\n<p>-.\u00bfVer\u00ednme allegame a esa casa?. De repente siente correr tres de s\u00ed, -.\u00bf\u00da tabes Rin?, afal\u00e1galu, nesto\u00b4l perru da la g\u00fcelta a tou meter, Rin, Rin, Rin&#8230; s\u00edguelu y ll\u00e1malu cam\u00edn enriba hasta que s\u00b4atopa de s\u00f3pitu con Pepe, acompa\u00f1\u00e1u del Rin. Qu\u00e9 sustu lleveren los dos.<\/p>\n<p>Pepe, seg\u00fan-y cuenta a Elvira, vien de dar una g\u00fcelta de perh\u00ed y escureci\u00f3-y.<\/p>\n<p>-Hai Pepe, has de tener curi\u00e1u, que ta to p\u00e1 s\u00f3lu y ten\u00edes que echa-y un gabitu col gan\u00e1u. Ensin parar, Pepe baxa la cabeza y a zancada llarga baxa pa so casa ensin dicir m\u00e1s nada. Pepe llega a casa y tien tiempu de mas p\u00b4aidar a so p\u00e1, pa cenar y metese na cama y cavilgar, ensin dicise nada, mudos los dos, m\u00edrense de reg\u00fceyu, comu siempres.<\/p>\n<p>Pepe ta envizc\u00e1u en dir a ver a la rapaza de la casa\u00b4l Xin, agazap\u00e1u tres les sebies, tolos d\u00edes que pue, l\u00b4atapecer, xube al rodiu la casa escondiell\u00e1ndose y, al travi\u00e9s de les ventanes mira la mocina afat\u00e1u, de c\u00f3mu l\u00b4acari\u00f1en, c\u00f3mu-y falen, naguando, c\u00f3mu ye\u00b4l tratu d\u00b4una familia en casa, pa \u00e9l desconoc\u00edu. Aguanta tol tiempu que tien, espera con ansied\u00e1. Sub\u00edu a la talamera l\u00b4horru, hasta que Lena xube pal cuartu d\u00b4alantre, malpenes pue ver nada, cola lluz de la bombilla de venti y la cortina d\u00b4un llau de la ventana echada, aldovina c\u00f3mu se quita la ropa, cariciada y rescamplando pela lluz marillentada. Comu un ser anxelical con ropa blanco, vela averase pa zarrar la ventana. Abluc\u00e1u, torna na escurid\u00e1 pa la so casa pel cam\u00edn de les desventures, el mesmu de les emociones.<\/p>\n<p>Cola mano met\u00eda nel bolsu baxa garrando la\u00a0<em>navaya\u00a0<\/em>y un poque\u00f1\u00edn m\u00e1s pa baxu, para, p\u00b4afilala<em>.<\/em><\/p>\n<p>Ta sollerte Elvira, el perru lladr\u00f3 cuando pas\u00f3 Pep\u00f3n ensin gorgutar delantre la so casa. G\u00fcei Pep\u00f3n torn\u00f3 un pocu m\u00e1s tardi, velu pasar, baxando la cabeza, con disimulu.<\/p>\n<p>Llega a casa enantes que so padre, \u00e9sti llega enfocic\u00e1u y pinpi\u00e1u comu tantes veces y ent\u00e1, ta tou ensin facer, depu\u00e9s de porfiar enforma, dexen a mediu facer les coses y al gan\u00e1u, muertu fame, nam\u00e1s con un pocu herba seco. Vanse pa la cama con un pocu pan y una mazana y una taza lleche.<\/p>\n<p>A Pep\u00f3n faise\u00b4l d\u00eda llargu enantes d\u00b4atapecer, depu\u00e9s de facer el mangu\u00e1n tol d\u00eda escalfori\u00e1ndose y cavilgando c\u00f3mu entamala. So padre foi pal chigre cuantay\u00e1. Garra\u00b4l cordel que tien prepar\u00e1u y tira pal cam\u00edn del Xin, con procuru, al pasar pela casa d\u00b4Elvira, col enfotu de que nun s\u00b4entere\u00b4l Rin. Quesiqui\u00e9s, el Rin ta llistu, col vezu de dir con \u00e9l, a mediu cam\u00edn y\u00e1 diben xuntos, g\u00e1rralu Pep\u00f3n y am\u00e1rralu n\u00b4un cabornu de casta\u00f1u d\u00b4al llau\u00b4l cam\u00edn, el Rin queda lladrando y lloriqueando y pocu a poque\u00f1\u00edn, va royendo\u00b4l cordelucu ru\u00edn.<\/p>\n<p>Mira pa dientro la casa peles ventanes ensin perder un rispiu de lo de so cuando llega\u00b4l perru lladrando y galloleru de tar y\u00e1 con Pep\u00f3n, \u00e9sti ponse mentecatu y escu\u00e9rrelu pa baxu, col env\u00eds de safase d\u00e9l. Dende dientro la casa sienten dalgo, sal Mel, el padre de Lena, fuera casa cola cachaba, -\u00bfQui\u00e9n anda perende?.<\/p>\n<p>Pep\u00f3n xixila tres el pegoyu l\u00b4horru, alguarda un pocu, -Esta nueche tampocu.<\/p>\n<p>Torna gachu&#8230; dende la escurid\u00e1 llancen-y un madre\u00f1azu.<\/p>\n<p>Cuerre, baxa pel cam\u00edn escuru cola tristura del tiempu perd\u00edu. Con dello del cam\u00edn and\u00e1u, si\u00e9ntase nel cabornu. Rescamplen les estrelles y la lluna a piques d\u00b4apaecer tres d\u00b4aquelles \u00f1ubes prietes. Siente la soled\u00e1 nel so mundiu de les almes solitaries y tan disgraciaes, a qui\u00e9n fala, a qui\u00e9n quier, a qui\u00e9n llora&#8230; y a \u00e9l, \u00bfQui\u00e9n lu siente?. Ensin dexar de mirar la lluna relluciente quier semar ll\u00e1rimes de rabia y desesperanza peles caleyes perd\u00edes del mundiu de les inxusticies. No fondero de la so mirada ta la lluna, mira\u00b4l cielu onde un d\u00eda-y dixeron que taba so madre, fae tiempu que sabe que non, nunca nun vio a so padre rezar mirando a esi cielu, que-y paez el de les esculpes tramposes, nin siquiere rezar, el so rezu ye a la botella de vino, dacuando-y falta, la so manera de&#8230;<\/p>\n<p>Eh\u00ed tan les ll\u00e1rimes soses de los g\u00fceyos secos, nel rapaz que nun deprendi\u00f3 a querer, nin dexase querer, el rapaz tan escosu de sentimientos. Ech\u00e1u enriba\u00b4l cabornu gastando\u00b4l tiempu na soled\u00e1 de la so trinchera, col animal\u00edn qu-a \u00e9l, m\u00e1s casu-y fai y m\u00e1s lu quier.<\/p>\n<p>Al amanecer\u00edn anda allori\u00e1u, cola tristura n\u00b4alforxa pa so casa, ensin que naide se decate que nun ta, nin s\u00b4esmuela d\u00e9l.<\/p>\n<p>A media ma\u00f1ana ll\u00e1malu so p\u00e1, -.Pepe, Pepe, llev\u00e1ntate folganz\u00e1n. Depu\u00e9s de un cachu baxa, diz-y so p\u00e1 que vaya char un gabitu a Mel el del Xin, que trae un xatu pal cami\u00f3n y nun anda. Va Pepe al so alcuentru a emburriar el xatu, da pena velu de ru\u00edn, en\u00f1\u00e9rase de les pates d\u00b4atr\u00e1s, ensin dexar de posar la mirada en Lena y tar, tan a la vera d\u00b4ella. Llegaren a la carretera y x\u00fabenlu al cami\u00f3n. Nun gan\u00f3 nin les gracies. Apart\u00e1u pa un llau nun pierde detalle, cobren el xatu y Mel guarda les perres y tornen pal Xin ensin dici-y nada, nin siquiera una triste mirada,<\/p>\n<p>Al otru d\u00eda l\u00b4atapecer, Pep\u00f3n entam\u00f3, comu davezu dir al Xin, y\u00e1 c\u00e1sique-y pas\u00f3 la desaz\u00f3n, callandino, al pasar por casa Elvira amarra\u00b4l perru con la cadena na caseta y darr\u00e9u, enfila\u00b4l cam\u00edn de la so llocura. Llega a la casa, tan toes les lluces encend\u00edes: embaxu, los cuartos, el foco, na cuadra, que ta zarrada a cal y cantu. Escuca y queda guard\u00e1u, nun pue ver nada, piensa qu\u00b4igual va parir una vaca. Ap\u00e1guense delles lluces de casa, hasta Lena, perxixilada, foi echase na cama, lo primero que fizo foi zarrar la ventana. Siente un golpe na cuadra. Faciendo un exerciciu de puxu sal de la solombra y fai por mirar pa dientro a ver qu\u00e9 pasa, con un g\u00fceyu mira per la resquiebra na puerta d\u00b4entrada, ell\u00ed ta Mel, engarr\u00e1u con una piedruca pa metela nun furacu na par\u00e9. Aguanta mirando un pocu. Mel garra mo\u00f1ica y tapa les xuntes al rodiu, arralla con ci\u00f1u\u00b4l muriu cola fesoria, onde meti\u00f3 la piedra.<\/p>\n<p>Pepe pescanci\u00f3lo tou y espera, ap\u00e1rtase y cavilga tres el pegollu. Depu\u00e9s del llabor fechu Mel entra na casa. Depu\u00e9s d\u00b4alguardar un buen cachu ap\u00e1guense toles lluces y a resultes d\u00b4ello, de xuru que toos tan dormiendo.<\/p>\n<p>Ta seguru de la so fuercia xabaz ensin tener raz\u00f3n y que dalg\u00fan d\u00eda s\u00b4alcordar\u00e1n d\u00e9l. Enfila\u00b4l cam\u00edn atristay\u00e1u pa so casa, al pasar pel regatu la pozona, c\u00e1sique a palpu p\u00b4alcontrar l\u00b4agua, llava les manes.<\/p>\n<p>Nesta nueche c\u00e1lida y despeyada, que-y da tastu a la rabia y al desesperu. Va mont\u00e1u nun cabornu comu si fuere n\u00b4un caballu al\u00e1u mirando\u00b4l so cielu, x\u00farase qu-enxam\u00e1s caleyar\u00e1 pela nueche, sedr\u00e1 pel d\u00eda, pa rise, anque nam\u00e1s seya un d\u00eda, pa ver les cares de los que tienen enfotu nel furacu secretu y descubren esi d\u00eda, que ye\u00b4l furacu vac\u00edu, del esfuerzu y l\u00b4aforru.<\/p>\n<p>XUAN MIYAR<\/p>\n<p><img loading=\"lazy\" decoding=\"async\" src=\"https:\/\/villaviciosahermosa.com\/images\/noticias\/Cabornu._.jpg\" width=\"850\" height=\"478\" \/><\/p>\n<p><em><strong>Cabornu<\/strong><\/em><\/p>\n<hr \/>\n<p>&nbsp;<\/p>\n<\/div>\n<\/div>\n<\/article>\n<\/div>\n<ul>\n<li><a href=\"https:\/\/villaviciosahermosa.com\/noticias-de-villaviciosa\/actualidad\/pepon-ii-collaboracion-nasturianu-de-xuan-miyar?fbclid=IwAR29_A_UQ5v_-PDl4YhWaKMq_l89VPF0OEcsPfvBgSNT-9afNCIjf7lgYDM\"><strong>PEP\u00d3N II<\/strong><\/a><\/li>\n<\/ul>\n<header>\n<div class=\"entry-thumb\"><img decoding=\"async\" src=\"https:\/\/villaviciosahermosa.com\/thumbmaker.php?src=https:\/\/villaviciosahermosa.com\/images\/noticias\/IMG_F00A4A-CB033D-A02CFA-3B28DF-5CEB37-D5168D.jpg&amp;w=834&amp;s=1&amp;a=t1\" alt=\"IMG_F00A4A-CB033D-A02CFA-3B28DF-5CEB37-D5168D.jpg\" \/><\/div>\n<\/header>\n<div class=\"social-tag-box clearfix\"><\/div>\n<div class=\"entry-content clearfix\">\n<div class=\"entry-box\">\n<p>Andaba dende va tiempu cola testa gacha, dir pel d\u00eda pa echase nel cabornu yera un de los momentos m\u00e1s afayaizos pa cavilgar de la so vida a la solombra, arrodi\u00e1u de casta\u00f1ales, humeros, carbayos y matos, mirando\u00b4l cielu pelos furaquinos ente \u00e1rboles y \u00f1ubes, mirar los rayinos del sol qu`entren p\u00b4allumar la so mente confusa y entrug\u00e1ndose, \u00bfqui\u00e9n soi?. Equ\u00ed, soboriando l\u00b4agriu la nada y reprim\u00eda la rabia, ta s\u00f3lu, naguando pel ray\u00edn d\u00b4esperanza y faciendo l\u00b4esfuerciu d\u00b4escaecer la realid\u00e1 de los sos vientos revueltos, col espinazu dobl\u00e1u y los silencios espiertos.<\/p>\n<p>El \u00f1ublu faise zarr\u00e1u como davezu, el llombu moy\u00e1u pol mofu d\u00b4esi cabornu mediu tap\u00e1u cuantay\u00e1 d\u00b4escayos, cola foz separtaos.<\/p>\n<p>Zarro los g\u00fceyos y aliendo. Un d\u00eda m\u00e1s pa garrar fuercia guardando\u00b4l secretu comu caprichu de ne\u00f1u, alzo la testa ensin mirar el suelu, desenterrando\u00b4l sua\u00f1u y dalg\u00fan recuerdu.<\/p>\n<p>Oy\u00ed pasinos, entra\u00b4l mio p\u00e1 pel estregal, antaino a separtar el mont\u00f3n de tarucos, la torre qu\u00b4entam\u00e9 facer tien doce pisos, en ca\u00fan tien un tarucu prietu que foi quien dir xuntando y separtando pa que mio madre nun los meta na cocina, mio p\u00e1 anda ensin mirar pal suelu cola zapica lleche, pisa \u00fan y zarapica, tuvo a piques de cayer, garr\u00f3se al marcu la puerte, la que nun salv\u00f3 foi la zapica; da la g\u00fcelta, m\u00edrame de males y mete-y una patada a la torre de tarucos y a min una morrada, garr\u00f3me de raspi\u00f3n, c\u00e1sique la safo, pero quedome la cara colorada.<\/p>\n<p>-Ya te dixi que nun xuegues en mediu l\u00b4estregal, poniendo cara querer comeme, p\u00f3neste a un llau y, lleva\u00b4l mont\u00f3n de tarucos pal fornicu.<\/p>\n<p>Ensin rechistar entamo a recoyer despac\u00edn, d\u00edgo-y a mio madre, mientres friega\u00b4l suelu emporc\u00e1u, que nun me los queme; p\u00e1 foi a buscar otra zapica lleche.<\/p>\n<p>Enantes cenar, ma dizme qu\u00b4estudie\u00b4l catecismo, cola lluz apocada, asemeyada a la mio gana. Llega p\u00e1 dafechu enfocic\u00e1u, diz-y a mio madre que me tien bien folg\u00e1u, y\u00e1 va siendo hora de comencipiar a facer dalg\u00fan mand\u00e1u. Mio ma m\u00edrame candial de reg\u00fceyu y mio p\u00e1 m\u00edrame, ent\u00e1 cabre\u00e1u, con ce\u00f1u.<\/p>\n<p>Abro los g\u00fceyos, entamo dir pa casa depu\u00e9s d\u00b4un d\u00eda duru de trabayu. Remembro a mio madre, cu\u00e1ntu la ech\u00e9 y echo de menos y tami\u00e9n a mio p\u00e1, qu\u00b4ocup\u00f3\u00b4l so espaciu con trabayu, vinu y desvelu&#8230;<\/p>\n<p>Caleyo tornando a casa despaciqu\u00edn col enfotu d\u00b4arrodiame de la mio realid\u00e1; ando pela vera\u00b4l r\u00edu y paso xunto a la pozona la presa\u00b4l mol\u00edn, g\u00fcei escaec\u00eda comu la canal y estrozada peles corrientes, sent\u00e9me un poque\u00f1\u00edn a remembrar la maxa d\u00b4aqu\u00e9l d\u00eda c\u00e1sique l\u00b4atapecer, d\u00eda de povisa, d\u00b4angazu y sudu, pa esfrutar la soled\u00e1 de ba\u00f1ase en porriques como ten\u00eda\u00b4l vezu, a estes hores&#8230; \u00bfqui\u00e9n me va ver?, cola corriente selequino y l\u00b4agua fresquino esfruto mirando\u00b4l claru l\u00b4agua, de s\u00f3pitu siento comu un ruid\u00edn, dac\u00e1tome que dalgui\u00e9n ta perende y xixila dende\u00b4l matu a la vera, miro bien al rodiu, nun foi quien ver qui\u00e9n yera, esmol\u00edu toi y seguru que yera ella, f\u00e1gome un pi\u00f1u y asomo nam\u00e1s la cabeza, depu\u00e9s d\u00b4un tiempu d\u00b4espera voi salir del agua, v\u00edstome y xubo al Xin con procuru pela caleya, con un nome grab\u00e1u na mente, Lena; la ne\u00f1a, pa min estirada, que siempres m\u00b4aforr\u00f3 na escuela la mirada.<\/p>\n<p>Si\u00e9ntese afortun\u00e1u de llegar a casa cola sorrisa puesta, la muyer tan afayadiza alguard\u00e1ndolu y faciendo la cena, los dos f\u00edos naguando que llegare a so casa pa xugar a los xuegos que-yos foi deprendiendo, tan agudos, tan guapos, tan distintos&#8230;<\/p>\n<p>Los d\u00edes d\u00b4ochobre y\u00e1 son m\u00e1s curtios, atapez primero, tien d\u00b4entretenelos cola lluz que s\u00b4escosa del d\u00eda, pola gracia que-y dan los sos \u00f1e\u00f1os.<\/p>\n<p>T\u00b4afit\u00e1u n\u00b4alcordanza, l\u00b4horru, la cuadra, les ventanes t\u00e1n peque\u00f1es, \u00e1rboles vieyos qu\u00b4acuriosen el rodiu y sobro tou, los llugares pa remembrar, dende fuera casa.<\/p>\n<p>Cola lluz probe del focu encesu fai casu pa xugar a la maya, tien munchu de facer, poro fai una posa pa xugar con ellos, escu\u00e9ndese nesos sitios que y\u00e1 conocen, pero nag\u00fcen por pasar un tiemp\u00edn col so p\u00e1, ye la escurid\u00e1 la que-y da\u00b4l tastu al xuegu, dando xibl\u00edos seles y facer llamaos dende distintos sitios, camudando los llugares onde escondese, tres los pegoyos, tres la escalera l\u00b4horru, tres los lloreos&#8230; alienda altu, a veces berra, per momentos mete-yos mieu, ellos ponen la oreya y atienden, saben que ye\u00b4l xuegu de les emociones fuertes y ensin separtase munchu de la casa pisen sele, un sustu a les veces ye los que-yos fai sint\u00edse inseguros, el sustu del mieu y nun por perder, sin\u00f3n pola emoci\u00f3n del suspense.<\/p>\n<p>Una voz femen\u00edn llama pa la cena, Pep\u00f3n da\u00b4l xuegu per acab\u00e1u, satisfechu y cans\u00e1u.<\/p>\n<p>-Luis, Pep\u00edn a cenar, sal\u00edi y\u00e1, llega Luis saliendo de tres la casa percontentu de que nun lu alcontraron, Pep\u00edn azorrona, espera qu\u00b4entren toos y cuando nun lu pueden ver, como un afog\u00e1u sal del so escondite, del so requexu secretu.<\/p>\n<p>Sentaos al rodiu la mesa Pep\u00f3n mira la muyer y a los sos f\u00edos, ruempe les cadenes del so recuerdu, la vida camud\u00f3 enforma, tien la familia que sua\u00f1\u00f3 de ne\u00f1u, nun pierde\u00b4l tiempu nos sos recuerdos mirando a los ne\u00f1os, que se piquen a pataes per baxu la mesa, &#8211; Vaes dir pal cuartu a pensar y ensin cenar, diz-yos so ma.<\/p>\n<p>Ye hora dir pa la cama, du\u00e9rmese otru d\u00eda m\u00e1s esfrutando lo que tien na casa y alcord\u00e1ndose de sos padres, n\u00b4especial de so ma, cu\u00e1ntu lu curi\u00f3, cu\u00e1ntu-y tap\u00f3, qu\u00e9 tiempos de color prietu ensin remediu, onde se par\u00f3 la so ne\u00f1ez cola cayida de la pasera vieya, nun ten\u00eda que ser ella qui\u00e9n la subiera&#8230; piensa y na escurid\u00e1, mira pa enriba, el que t\u00b4eh\u00ed que me lo diga, &#8211; \u00bfPor qu\u00e9 me dexasti ensin ella?.<\/p>\n<p>Par\u00f3se\u00b4l mundiu aquel d\u00eda traicioneru y lleg\u00f3 la se\u00f1ard\u00e1 met\u00eda na lluz ca\u00fan de los d\u00edes qu\u00b4alborec\u00eda, \u00e9l nun sab\u00eda c\u00f3mu francer les cadenes del so encarcelamientu, nin sua\u00f1ando, quitaba la galga de la so desdicha y de la so rabia.<\/p>\n<p>&#8211; Pepe llev\u00e1ntate, dixo so p\u00e1.<\/p>\n<p>&#8211; Llama, llama, g\u00fcei nun me llevanto por que nun me sal de la gana, llama, glaya m\u00e1s altu, glaya, que nun siento nada.<\/p>\n<p>-Pepe llev\u00e1ntate, hai daqu\u00e9 de facer, mientres pegaba col pres\u00e9u nel tables del techu\u00b4l llar, xustu baxu la so cama.<\/p>\n<p>Faciendo un exerciciu tester\u00f3n m\u00e9tese baxu\u00b4l mugrientu cobertor, mientres so p\u00e1 sigue aporroneando per baxu, nel pisu\u00b4l so cuartu.<\/p>\n<p>Vo echa-y un pulsiu, &#8211; Vas xubir a espertame&#8230; cavilga fechu un \u00f1udu.<\/p>\n<p>&nbsp;<\/p>\n<p>Una nueche m\u00e1s d\u00b4hestories c\u00e1sique perd\u00edes p\u00b4alcontrar el sue\u00f1u, ente otres munches tan candiales, con tantes nueches coles sos llunes pasaren.<\/p>\n<p>G\u00fcei llev\u00e1ntase patexando fuerte pela vida torgada dende bien ne\u00f1u, agora mozu y padre y\u00e1 entiende la mala ostia y\u00b4l xeniu de so p\u00e1, siempres sum\u00edu na soled\u00e1 de les caleyes escures, ensin equilibr\u00edu, sinti\u00e9ndose culpable de les paseres ferru\u00f1oses y de la so galbana, siempres met\u00eda nel alma.<\/p>\n<p>Alcu\u00e9rdome d\u00b4esi d\u00eda trist\u00f3n no que l\u00b4orbayu nun dexaba facer nada.<\/p>\n<p>-Ab\u00faltame raru, mio p\u00e1 ent\u00e1 nun se llevant\u00f3. Y\u00e1 ten\u00eda delles coses feches y el nuberu amenazaba enforma, yera m\u00e1s qu\u00b4orbayu; &#8211; Voi tener que dir a llamalu&#8230;<\/p>\n<p>Xubo y ximi\u00e9lgolu, nun retruca al mio intentu, paez que ta durm\u00edu&#8230; o faise que nun me siente&#8230;<\/p>\n<p>La nueche pasada fo al chigre como tantes veces y yo, depu\u00e9s de caleyar al Xin, como tantos atapeceres, pa la cama.<\/p>\n<p>Porfiamos enforma, hebo de facelo tou s\u00f3lu, d\u00edxome qu\u00b4\u00f3nde taba, azorronando y mudu nun-y dixi nada, de xuru que y\u00e1 lo sab\u00eda, Elvira nun calla nada. Ten\u00eda raz\u00f3n, dende va tiempu llargar callandino ocupaba tola mio intenci\u00f3n, dir a ver y saber a la mocina yera\u00b4l vezu y yera\u00b4l Rin quien da l\u00b4avisu de mio pasu a Elvira, pela caleya\u00b4l Xin.<\/p>\n<p><strong>XUAN MIYAR<\/strong><\/p>\n<hr \/>\n<\/div>\n<\/div>\n<ul>\n<li><a href=\"https:\/\/villaviciosahermosa.com\/noticias-de-villaviciosa\/opinion\/nasturianu-presta-mas-pepon-iii-rellatu-nasturianu-collaboracion-de-xuan-miyar\"><strong>PEP\u00d3N III<\/strong><\/a><\/li>\n<\/ul>\n<p>Tiempos duros de soled\u00e1 ya inseguranza, coles lluces apagaes nes edaes moces tarreciendo\u00b4l futuru y a los mieos escuros.<\/p>\n<p>No m\u00e1s fonderu yera un home buenu, no m\u00e1s fonderu. G\u00fcei les sos alcordances yeren pa los padres, cola caser\u00eda vac\u00eda, allori\u00e1u y tan s\u00f3lu.<\/p>\n<p>Cola so mente revolv\u00edn inv\u00e1delu\u00b4l mal humor, la humanid\u00e1 que quier ganar, ent\u00e1 perd\u00eda. Pallabres mudes pente la solombra de les caleyes patexaes folgando a escures. G\u00fcei sospira y alienda, ent\u00e1 de pena. Nun tien quien-y mande nada, \u00e9l solu s\u00b4inventa\u00b4l so trabayu dafechu despreci\u00e1u, hasta\u00b4l d\u00eda siniestru, agora deprendiendo y amosando xeres asentaes.<\/p>\n<p>Mira a los llaos buscando la complicid\u00e1 escaec\u00eda, nun alcuentra enfotu, nam\u00e1s sebies arramascaes, comu les sos alcondances, tan tristes y silencioses.<\/p>\n<p>Los codos nes rodielles y les manes nes vidayes, acabante mirar pal cielu, per eses cais dreches tien d\u00b4andar el duende&#8230; y cavilga &#8211; Danme ganes de llorar, teo de glayar l\u00b4altu la lleva&#8230;<\/p>\n<p>Ll\u00e1mame, ll\u00e1mame, vas xubir&#8230; Comu\u00b4l d\u00eda que nun bax\u00e9 y xubisti a espertame. Esti d\u00eda tampocu nun retruqu\u00e9 a los tos glay\u00edos, los glayios que sent\u00ed, glay\u00edos d\u00b4ausiliu y desesperu. P\u00e1, enxam\u00e1s entend\u00ed\u00b4l to sen de dame\u00b4l cari\u00f1u. Qu\u00e9 culpa teo yo de nun querer m\u00e1s que a mio ma, cavilgo pa min, que nun te quer\u00edes nam\u00e1s qu\u00b4a to y nam\u00e1s qu\u00b4al vinu, pal olvidu. Crucio la portiella cola maxa prohib\u00eda, l\u00b4otru llau del regatu nun saben que dalgui\u00e9n nagua per blincar el charcu. Sin\u00f3n creen en min. \u00bfTeo de creer yo? y voi facelo, voi creyer.<\/p>\n<p>Nun hai espaciu nin pa dir al Xin peles atapeceres, malpenes tien tiempu pa les sos xeres, masque na so mente, agora m\u00e1s fuerte, nun escaeza a la mocina deseada y nagua que llegare\u00b4l d\u00eda de compartir el bot\u00edn, xube al desv\u00e1n a mirar la rasera, debaxu la teya tien les perres na fardela.<\/p>\n<p>Elvira la vecina, dalguna vegada tien de pidi-y daqu\u00e9, hai qu\u00b4abonar el g\u00fcertu peque\u00f1u y pidi-y un carr\u00edn de cuchu. Comu otres veces Pep\u00f3n echa-y un gabitu, agora Elvira ye m\u00e1s consentidora y xenerosa, da-y pena de velu trabayar munchu y s\u00f3lu, dexa que lu acompa\u00f1e\u00b4l Rin.<\/p>\n<p>Perende apaez Lena, baxando la cabeza, colorada, enfila pa Pep\u00f3n, avez\u00e1u a que nun-y de la cara, ta estra\u00f1\u00e1u, cola boca peque\u00f1a camienta a ver cuando puede echa-yos un gabitu, el padre ta malu y \u00e9lla nun ye quien, nun d\u00b4abastu.<\/p>\n<p>Pep\u00f3n fai alcordances d\u00b4aqu\u00e9llos tiempos, de fiestes y d\u00b4esfoyaces, cuando pasaba delantre d\u00b4ella los padres pon\u00ednse a tapala, mientres ella, torciendo la cabeza ensin desimulu, pon\u00eda\u00b4l culu. Hai que ver cu\u00e1ntes vueltes da\u00b4l mundu&#8230;<\/p>\n<p>y agora Lena, vergo\u00f1osa, m\u00edrame de frente, delles vegaes camiento dalgo y bien qu\u00b4atiende&#8230;<\/p>\n<p>Pa g\u00fcei y\u00e1 enforma cavilgu\u00e9. Voi a xugar colos \u00f1e\u00f1os y dalgo de facer.<\/p>\n<p>Enfila pa casa m\u00e1s serenu.<\/p>\n<p>&#8211; P\u00e1, cu\u00e9ntamos otra vez el cuentu del mozu que garr\u00f3 les perres nel furaqu\u00edn na cuadra&#8230;<\/p>\n<p>&#8211; Pa otru d\u00eda, faise tardi y to madre tar\u00e1 iguando la cena&#8230;<\/p>\n<p>Entamen tornar pa casa, baxen pela caleyina contentos, los \u00f1e\u00f1os esfrutando y xugando col so p\u00e1 depu\u00e9s de llegar de trabayar. G\u00fcei toc\u00f3 dir ver les xates que duermen nel prau y llimpia-yos la poza l\u00b4agua. Caleyen, Luis a les veces paez m\u00e1s candial, anda a la vera de so padre, Pep\u00edn, m\u00e1s enriedosu anda a carreres, a veces p\u00b4alantre, otres p\u00b4atras.<\/p>\n<p>Mirai\u00b4l paxar\u00edn&#8230; \u00bfQu\u00e9 tien?, diz Luis. Ye\u00b4l paxar\u00edn que lo sabe tou y d\u00edzmelo a min, el que me lo cuenta na oreya. \u00bf\u00d3nde vas paxar\u00edn? Entr\u00faga-y Pep\u00f3n. Home si, va contestate, entruga, entruga&#8230; va vagate, va falete&#8230; Diz Pep\u00edn fartu rir. Ent\u00f3s \u00bfPorqu\u00e9 pensaes que m\u00b4entero de tou?. Por qu\u00b4entrugues munchu y nun ye a los p\u00e1xaros. Diz Luis. Enter\u00e9me d\u00b4una cosa, \u00bfNun tuviestes l\u00b4otru d\u00eda na cueva los calieros?. \u00bfQuien te lo dixo? &#8230;Peru nun entramos eh, mand\u00e9-y entrar a Pep\u00edn y nun foi quien dar un pasu pa dientro, nun s\u00b4atrevi\u00f3, yo asom\u00e9 un pocu la cabeza pa ver y taba escuru, vieno tres de min Pep\u00edn a emburriame y enfad\u00e9me con \u00e9l. \u00bfP\u00e1, tu entrasti dalguna vez?. Non, d\u00edxome\u00b4l mio g\u00fcelu qu\u00b4ell\u00ed viv\u00eda l\u00b4home del sacu y cunt\u00f3me toles fechor\u00edes que fac\u00eda&#8230; \u00bfQu\u00e9 fac\u00eda? Dixo Pep\u00edn. Munches coses, curiaba a los ne\u00f1os que yeren malos, pa llevalos, espert\u00e1balos pela nueche, met\u00eda-yos mieu peles caleyes, escorr\u00edalos y a los que ten\u00eden navaya, nun los dexaba usala&#8230; Correi, vamos, correi qu\u00b4atapez.<\/p>\n<p>Asoma la lluna tres el cordal y pela so manzorga ta mercuriu, malpenes se ven agora les estrelles, toos clisen la vista nel cielu, los \u00f1e\u00f1os tov\u00eda pensatibles, con un pocu de mieu, Pep\u00f3n ll\u00e9valos agarraos ca\u00fan per un llau, miren pa enriba, callen, los tres en silenciu. Pep\u00f3n sigui\u00f3 mirando\u00b4l cielu y alcu\u00e9rdase cuando fizo una promesa&#8230; Dar, lo que nun tevo, dar tou lo que tien, pensatible nes lluces prend\u00edes, agora, nesi cielu.<\/p>\n<p>&#8211; Mir\u00e1i les estrelles, ca\u00fana tien el nome de un \u00f1e\u00f1u, aldovin\u00e1i cu\u00e1la ye la vuestra.<\/p>\n<p>P\u00e1rense en secu, aculumbrando tou lo que pueden, nun son quien gorgutar pente la inmensid\u00e1 de la \u00f1aciente estrellada. Pa Pep\u00f3n son ente toes, les que m\u00e1s rescamplen, mientres-yos garra les manes y pa \u00e9llos escoyer una nun ye cenciellu.<\/p>\n<p>P\u00e1, si escueyo una estrella pa mim, ma\u00f1ana voi saber cu\u00e1la ye?. Diz Luis.<\/p>\n<p>Pep\u00f3n pi\u00e9nsalo un pocu enantes de contestar.<\/p>\n<p>Mir\u00e1i la lluna y de les brilloses, vuestres sedr\u00e1n les que m\u00e1s s\u00b4averen.<\/p>\n<p>&nbsp;<\/p>\n<p>Sent\u00e1u nel escanu depu\u00e9s de cenar mientres la muyer recueye la cac\u00eda, los \u00f1e\u00f1os y\u00e1 se fueren pa la cama. M\u00edrala, t\u00e1n cuntaes casique toes les novedaes del d\u00eda, agora esfrutando los sua\u00f1os y aldericando. C\u00f3mo se mueve Lena, qu\u00e9 remangu tien, ensin quita-y un g\u00fceyu, eh\u00ed ta la mocina deseada. Guarda pa \u00e9l toes les hestories tristes, agora colos sentimientos bien guardaos. Va tiempu que lo cree..<\/p>\n<p>\u00bf N\u00b4acabante recoyer echamos una escoba?. Pepe, sabes qu\u00b4echo pilancos sumando, echamos un parch\u00eds anda&#8230; Val, asina c\u00f3mote enantes dir pa la cama.<\/p>\n<p>Una sorrisa c\u00f3mplice y picardiosa percuerre-yos la cara.<\/p>\n<p>Ma, ma.<\/p>\n<p>Ll\u00e1mala un rapac\u00edn, posa\u00b4l botixu y xube pal cuartu los \u00f1e\u00f1os y cola voz apocada&#8230;<\/p>\n<p>\u00bfQu\u00e9 quies Pep\u00edn?. Nun soi quien dormir, tate un pocu equ\u00ed anda, teo mieu&#8230; Afal\u00e1galu, t\u00f3ca-y la cara candial, vamos espertar a Luis, vamos tar en silenciu. Toi espiertu ma, nun quiero dormir, cu\u00e9ntamos un cuentu. \u00bfPues cuntamos el cuentu del mozu que garr\u00f3 les perres nun furacu?. Diz Luis. Val, n\u00b4acabante cuntalu a dormir&#8230; \u00bfval?. Diz la madre.<\/p>\n<p>Yera naquellos tiempos, cuando un mozu que se llamaba Xos\u00e9 y que ten\u00eda fama de malu, enredosu y retruc\u00f3n, nun lu quer\u00eden munchu los vecinos, andaba tol d\u00eda ensin facer nada, col gomeru nel bolsu tirando piedruques a los gatos y buscando perros p\u00b4amarra-yos una llata nel rau. Nun paraba en casa, nun ten\u00eda una peseta, nun-y daben nada, el so p\u00e1 gast\u00e1balo tou en vinu y nun lu quer\u00eda ayudar. Yera so madre, la \u00fanica que s\u00b4esmol\u00eda por \u00e9l. Yera un rapaz al que-y gust\u00e1ba muncho una mozuca, peru ella nun-y fac\u00eda deng\u00fan casu, ent\u00f3s, \u00e9l diba a vela ensin que naide lu viere, caleyando escondiell\u00e1u, tolos d\u00edes que pod\u00eda diba l\u00b4atapecer, peles caleyes pindies a la so casa y xixil\u00e1bala dende afuera, peles ventanes con procuru, nun dase a ver, cuando toos de la familia taben dientro.<\/p>\n<p>Un d\u00eda de s\u00f3pitu, \u00e9l taba tres el pogollu del horru, ve al p\u00e1 de la moza salir de casa y entrar nel corral y zarrase dientro, al mozu paeci\u00f3-y mui raru, all\u00e9gase con curi\u00e1u a la puerte\u00b4l corral y per una resquiebra ve al home meter dalgo nun furacu nel muriu, tres les vaques y tapalo cola mesma piedra. Alguarda un cach\u00edn y cuando\u00b4l paisanu sal y entra en casa y s\u00b4apagaron toes les lluces, cavilga&#8230; y\u00e1 t\u00e1n toos na cama. Entra nel corral a palpu y prende\u00b4l farol qu\u00b4hai na entrada, antainando, quita la piedra del muriu y garra lo qu\u00b4hai dientro, una saca con munches perres.<\/p>\n<p>Nun sab\u00eda qu\u00e9 facer col dineru que garr\u00f3, llev\u00f3lo pa so casa ensin sabelo los sos padres, ell\u00ed lo guard\u00f3, a sabiendes qu\u00b4un d\u00eda, taba seguru, diba casase cola moza y gastales pa ella.<\/p>\n<p>Depu\u00e9s de munchu tiempu, mandaren-y dir trabayar a la casa la mocina y conoci\u00e9ronse meyor, anque\u00b4l padre de la moza nun la dexaba falar con \u00e9l, ent\u00f3s comencipiaren a vese a escond\u00edes. Xox\u00e9 viv\u00eda sol\u00fa y fueren faci\u00e9ndose amigos, depu\u00e9s de tiempu ella tami\u00e9n qued\u00f3 s\u00f3la na so casa, Xos\u00e9 perarguyosu nun sab\u00eda qu\u00e9 facer pa da-y gustu y, entrug\u00f3-y&#8230;<\/p>\n<p>\u00bfQuies casate conmigo?. Vien tardasti en dic\u00edmelo Xos\u00e9&#8230;<\/p>\n<p>Xuntaron toes les vaques que ten\u00eden ente los dos na cuadra m\u00e1s grande, que yera la d\u00b4ella.<\/p>\n<p>Con cara de misteriu y amosando duldes, Xos\u00e9 m\u00edrala a los g\u00fceyos&#8230;<\/p>\n<p>Teo de dicite un secretu. Nun m\u00b4asustes Xos\u00e9, \u00bfqu\u00e9 ye?. Vamos dir a la mio casa. Ell\u00ed lo vas ver.<\/p>\n<p>Caleyen agarraos de la mano selequ\u00edn a casa.<\/p>\n<p>Xos\u00e9 xube pal desv\u00e1n pela pasera, entra a gates pa la rasera y quita la teya, nam\u00e1s atopa un \u00f1eru ratones na fardela.<\/p>\n<p><em>XUAN MIYAR<\/em><\/p>\n<p><img decoding=\"async\" src=\"https:\/\/villaviciosahermosa.com\/thumbmaker.php?src=https:\/\/villaviciosahermosa.com\/images\/noticias\/IMG_5CE0C5-FDB247-505FF4-775BBD-E4E564-B93ABC.jpg&amp;w=834&amp;s=1&amp;a=t1\" alt=\"IMG_5CE0C5-FDB247-505FF4-775BBD-E4E564-B93ABC.jpg\" \/><\/p>\n","protected":false},"excerpt":{"rendered":"<p>N\u2019asturianu presta m\u00e1s &#8211; \u201cPep\u00f3n\u201d Estaya de publicaciones n&#8217;asturianu, dedicaes a la nuesa cultura y tradiciones. Cola collaboraci\u00f3n de Xuan Miyar PEP\u00d3N I \u201cPep\u00f3n\u201d Y\u00e1 c\u00e1sique nun se ve nada, les lluces de los focos del cam\u00edn xunto a casa y\u00e1 quedaren llo\u00f1e, equ\u00ed nun allumen nada, Elvira llama\u00b4l perru cola voz baxa, acabante o\u00edlu [&hellip;]<\/p>\n","protected":false},"author":117,"featured_media":0,"parent":1412,"menu_order":0,"comment_status":"closed","ping_status":"closed","template":"","meta":{"footnotes":""},"class_list":["post-1945","page","type-page","status-publish","hentry"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/pages\/1945","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/pages"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/page"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=1945"}],"version-history":[{"count":3,"href":"https:\/\/edublog.educastur.es\/ixuxu\/wp-json\/wp\/v2\/pages\/1945\/revisions"}],"predecessor-version":[{"id":1948,"href":"https:\/\/edublog.educastur.es\/ixuxu\/wp-json\/wp\/v2\/pages\/1945\/revisions\/1948"}],"up":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/pages\/1412"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=1945"}],"curies":[{"name":"wp","href":"https:\/\/api.w.org\/{rel}","templated":true}]}}