{"id":6220,"date":"2021-05-18T17:19:11","date_gmt":"2021-05-18T15:19:11","guid":{"rendered":"https:\/\/edublog.educastur.es\/ixuxu\/?page_id=6220"},"modified":"2022-01-01T22:06:03","modified_gmt":"2022-01-01T20:06:03","slug":"amca","status":"publish","type":"page","link":"https:\/\/edublog.educastur.es\/ixuxu\/musica\/amca\/","title":{"rendered":"M\u00fasicAsturiana: AMCA"},"content":{"rendered":"

<\/p>\n

Va unos d\u00edes present\u00f3se l\u2019Archivu de la M\u00fasica Contempor\u00e1nea Asturiana (AMCA)<\/span><\/strong>. La iniciativa sigue\u2019l cam\u00edn que dibuxaron los munchos y variaos archivos de la m\u00fasica tradicional. En cuenta de recoyer documentos sonoros de calter tradicional, l\u2019AMCA c\u00e9ntrase na m\u00fasica d\u2019espresi\u00f3n asturiana que se fixo nes \u00faltimes d\u00e9cades. Entrevistamos a Xune Elipe, una de les cabeces que t\u00e1n darrera esti proyectu. Enllaz noticia<\/strong><\/a><\/p>\n

L\u2019AMCA, destaquen los sos promotores, \u201cva ser una especie d\u2019enciclopedia del sieglu XXI dedicada a la m\u00fasica asturiana, dando forma a un proyectu pioneru n\u2019Asturies, con una ventana abierta a cualesquier requexu del mundu al travi\u00e9s del click<\/em>\u201c.<\/span><\/strong> Too ello \u201cdende una perspectiva empresarial profesional que puxa por reconocer el papel fundamental que tien la m\u00fasica con identid\u00e1 propia dientro de la marca Asturies<\/strong>\u201c. Pasu ente pasu \u201cvamos dir dixitalizando y dando a conocer un conxuntu de materiales bayurosu (carteler\u00eda, grabaciones, programes de mano, maquetes, cartafueyos, revistes, audiovisuales, semeyes\u2026) y perinteresante, con bien de conten\u00edos in\u00e9ditos y\/o esclusivos\u201d.<\/p>\n

Musicasturiana.com<\/strong> pon en marcha un proyectu pa convertise na mayor web de m\u00fasica asturiana, con conten\u00edos informativos, gu\u00eda de recursos, tienda online <\/em>remocicada y la incorporaci\u00f3n del Archivu de la M\u00fasica Contempor\u00e1nea Asturiana <\/strong>(AMCA), una iniciativa de Goxe Producciones<\/strong> que, ente otres coses, va dixitalizar y ufrir al p\u00fablicu un conxuntu de materiales bayurosu.<\/p>\n

L\u2019AMCA naz con volunt\u00e1 de serviciu p\u00fablicu. Nesti sen, queremos convertinos nuna fonte de consulta, publicid\u00e1 y estudiu del fechu musical asturianu y\/o n\u2019asturianu y gallego-asturianu dende mediaos de los a\u00f1os 70 hasta g\u00fcei. Tolos materiales van poder sentise o vese llibremente, otra cuesti\u00f3n aparte ye poder baxalos o facese con ellos. De munchos tenemos n\u00f3s los derechos, pero d\u2019otros non, poro, pa evitar problemes llegales l\u2019AMCA plant\u00e9gase como un escaparate onde tener accesu a ellos, onde poder consultalos o simplemente disfrutalos, pero nada m\u00e1s.<\/p>\n

L\u2019AMCA naz como una iniciativa privada que surde de la collaboraci\u00f3n de dos empreses mui venceyaes a la m\u00fasica del pa\u00eds: Goxe Producciones y Mecigaya Creativa. De mano vamos entamar una serie de reuniones con responsables de la pol\u00edtica cultural pa presenta-yos el proyectu, que lu conozan y valoren, y ver de qu\u00e9 manera pueden apoyalu. Pel momentu la financiaci\u00f3n ye dafechu propia, como la dixitalizaci\u00f3n de les grabaciones y los materiales f\u00edsicos.<\/p>\n

Hai una primer \u00e9poca onde se produz la nacencia de la m\u00fasica d\u2019espresi\u00f3n asturiana contempor\u00e1nea, que ta marcada pola creaci\u00f3n de Conceyu Bable a mediaos de lo a\u00f1os 70 y l\u2019apaici\u00f3n del Nuevu Canciu. Posteriormente, nos 80, apaez el movimientu musical m\u00e1s importante hasta la fecha n\u2019Asturies: el folk de calter atl\u00e1nticu. Nos 90 produzse\u2019l gran boom de la m\u00fasica asturiana, que tien a Hevia como cabezaleru, pero la crisis del a\u00f1u 2008 llev\u00f3 per delantre munches de les manifestaciones de la nuestra m\u00fasica (grupos, nueches celtes, festivales, escueles\u2026). Agora, depu\u00e9s de la nuestra traves\u00eda del desiertu particular, principia a vese un espolletar nuevu y, dalgo que ye perimportante y hasta imprescindible, una anovaci\u00f3n nes formes y maneres d\u2019entender lo que ye la m\u00fasica asturiana, muncho m\u00e1s abierta y diversa. De toes maneres, falta ciertu relevu xeneracional y por eso ye tan importante dar a conocer lo que se fixo y los antecedentes qu\u2019hai, pa qu\u2019esa moced\u00e1 que quiera incorporase a la m\u00fasica asturiana tenga una base s\u00f3lida.<\/p>\n

\n

\u00ab30 ANIVERSARIU DE CONCEYU BABLE\u00bb<\/span><\/em><\/p>\n

\"\"<\/a><\/p>\n