{"id":1400,"date":"2020-11-21T13:22:48","date_gmt":"2020-11-21T11:22:48","guid":{"rendered":"https:\/\/edublog.educastur.es\/ixuxu\/?p=1400"},"modified":"2020-11-21T13:29:12","modified_gmt":"2020-11-21T11:29:12","slug":"tina-castanon-la-primer-gaitera-dasturies","status":"publish","type":"post","link":"https:\/\/edublog.educastur.es\/ixuxu\/2020\/11\/tina-castanon-la-primer-gaitera-dasturies\/","title":{"rendered":"Tina Casta\u00f1\u00f3n, la primer gaitera d\u00b4Asturies"},"content":{"rendered":"

<\/a><\/p>\n

\n

El 14 de febreru de 2019 morr\u00eda en Moreda d’Ayer a los 93 a\u00f1os una de les sos vecines m\u00e1s pernomaes: Justina Casta\u00f1\u00f3n S\u00e1nchez<\/em><\/strong><\/span>. Ella, conocida y reconocida como la primer gaitera d’Asturies<\/span><\/em><\/strong>, aprendi\u00f3 a tocar el pres\u00e9u a les escondidielles al escuchar al so padre, tami\u00e9n gaiteru. Cuando \u00e9l diba de casa, ella coy\u00eda la so gaita y practicaba. Empez\u00f3 a faelo con 11 a\u00f1os<\/strong> y con 16 una vecina afayola\/descubriola. Foi una pionera nesto del folclore, cobarde y bien esixente. Inspir\u00f3 a munches que la siguieron<\/strong> y tami\u00e9n al mio y a Alfonso. Porque cuando escribimos y dibuxamos a Tina La Cachera (una de les protagonistes de Carboneres) n’unu de los cap\u00edtulos que, personalmente, m\u00e1s me gusten: \u00abCenices\u00bb, pensamos nella.<\/span><\/p>\n

Tami\u00e9n a ella hai que da-y les gracies por sostenenos de pies.<\/span><\/p>\n

<\/p>\n

\u00ab…Tol valle de Montecorvo compart\u00eda naquel domingu de mayu la mesma postura de plegaria y callo frente a los transistores. Bonu, casi tol valle, porque en realid\u00e1 yeren pocos los vecinos que se quedaren nel pueblu aquella tarde. La mayor\u00eda, arimaos d’una allegr\u00eda que nun se recordaba na zona dende los antroxos d’antes de la guerra, anim\u00e1rense a dir a la capital a acompa\u00f1ar a la so hero\u00edna particular, Tina La Cachera, que yera la tercer muyer en consiguir llegar a la final de \u00abSaltu a la gloria\u00bb, el concursu patrocin\u00e1u por Chocolates La Cibeles pa Radio Asturies, la so emisora amiga, y la primera que lo fa\u00eda con una gaita sol brazu. Pero sobremanera yera una de los suyos. Y eso, en Montecorvo, yera sagr\u00e1u. La Cachera<\/em><\/strong><\/span> llamabenla nel pueblu. Trabayaba coles carboneres nes tolvas cargando y escoyendo carb\u00f3n.<\/span><\/p>\n

Ell\u00ed daba bona prueba, acald\u00eda, de que los sos deos axilosos non y\u00e1 lluc\u00edense cola gaita na mano y de que les sos agalles diben m\u00e1s all\u00e1 d’un escenariu. Que pa eso tami\u00e9n Tina yera la f\u00eda pequena de Luis Cachero, l’aut\u00e9nticu propietariu del pres\u00e9u, y que nesi precisu momentu, ente la silicosis, la c\u00e1rcel y sabe Divos cu\u00e1ntes palices enriba nin siquier podr\u00eda dexase enllenar el fuelle d’aire.<\/span><\/p>\n

La espectaci\u00f3n yera tal pola presencia de la moza nesa final radiof\u00f3nica qu’hasta s’entam\u00f3 una comitiva de sabios y vieyes pa pidi-y a Maruxa, la xefa de les carboneres, que dexara a la moza gaitera ausentase del tayo un par de d\u00edes antes de la final. Non fora a ser que col carb\u00f3n y tanta pala fora rompese un deu. Maruxa acept\u00f3 a remolera. Nun taba la cosa como p’andar perdiendo trabayadores…\u00bb<\/span><\/p>\n

Fragmentu del cap\u00edtulu \u00abCenices\u00bb del llibru Carboneres.<\/strong><\/span><\/p>\n