{"id":15527,"date":"2023-01-20T10:00:52","date_gmt":"2023-01-20T08:00:52","guid":{"rendered":"https:\/\/edublog.educastur.es\/ixuxu\/?p=15527"},"modified":"2023-01-21T19:49:20","modified_gmt":"2023-01-21T17:49:20","slug":"uvieu-cuidate","status":"publish","type":"post","link":"https:\/\/edublog.educastur.es\/ixuxu\/2023\/01\/uvieu-cuidate\/","title":{"rendered":"Uvi\u00e9u nel orixe y Ed\u00e1 Media"},"content":{"rendered":"<p style=\"text-align: center\"><a href=\"https:\/\/www.oviedo.es\/documents\/25041\/1900996\/Triptico1.jpeg\/6d07619d-fd81-4e1f-999c-3381150c114a?t=1669967597444\"><img loading=\"lazy\" decoding=\"async\" class=\"alignnone\" src=\"https:\/\/www.oviedo.es\/documents\/25041\/1900996\/Triptico1.jpeg\/6d07619d-fd81-4e1f-999c-3381150c114a?t=1669967597444\" alt=\"\" width=\"2000\" height=\"1414\" \/><\/a><\/p>\n<ul>\n<li><a href=\"https:\/\/www.oviedo.es\/oviedotecuida\">Fonte: Ayto. Oviedo<\/a> \/ <a id=\"yui_patched_v3_11_0_1_1672417274017_704\" href=\"https:\/\/www.oviedo.es\/oviedotecuida\/oviedoenelorigen\">Oviedo en el Origen<\/a><\/li>\n<li>Uviedo te cuida:<\/li>\n<\/ul>\n<p><!--more--><\/p>\n<p style=\"text-align: center\"><a href=\"https:\/\/www.oviedo.es\/documents\/25041\/1900996\/Triptico2.jpeg\/aed4321f-1c61-43c4-8bc1-34cda0489c4a?t=1669967598941\"><img loading=\"lazy\" decoding=\"async\" class=\"alignnone\" src=\"https:\/\/www.oviedo.es\/documents\/25041\/1900996\/Triptico2.jpeg\/aed4321f-1c61-43c4-8bc1-34cda0489c4a?t=1669967598941\" alt=\"\" width=\"2000\" height=\"1414\" \/><\/a><\/p>\n<p style=\"text-align: center\"><em><a href=\"https:\/\/www.oviedo.es\/oviedotecuida\/oviedoenelorigen\"><span style=\"color: #008080\">https:\/\/www.oviedo.es\/oviedotecuida\/oviedoenelorigen<\/span><\/a><\/em><\/p>\n<blockquote>\n<p style=\"text-align: center\"><em><strong><span style=\"color: #008080;font-size: 24px\">Alfarer\u00eda<\/span><\/strong><\/em><\/p>\n<\/blockquote>\n<p>El pueblu de Faru, na parroquia de Limanes dientro del conceyu d&#8217;Uvi\u00e9u, ye tierra pionera de la cer\u00e1mica asturiana. Nesta zona pueden atopase los tr\u00e9s tipos de folla qu&#8217;utilizaben para la so ellaboraci\u00f3n: folla com\u00fan, folla blanco y barrucu.<\/p>\n<p>La so alfarer\u00eda lleg\u00f3 a constituyir una importante industria, cuando los artesanos de Faru abastec\u00eden al centru de la rex\u00f3n de los instrumentos propios de la d\u00f3mina.<\/p>\n<p>Arqueol\u00f3xicamente comprob\u00f3se que la producci\u00f3n d&#8217;alfarer\u00eda na aldega de Faru rem\u00f3ntase siquier al sieglu XI, y\u00e1 que se top\u00f3 un fornu medieval y munchos restos de cer\u00e1mica negra.<\/p>\n<p>Tami\u00e9n atopamos testimonios escritos d&#8217;esti trabayu nel cartulariu del Conventu de San Vicente d&#8217;Uvi\u00e9u, que data del a\u00f1u 1079. Desque lleg\u00f3 la d\u00f3mina de la industrializaci\u00f3n, cuando&#8217;l vidriu y el metal vinieron suplir rotundamente los usos de la folla, Faru foise despoblando y los sos alfareros fueron emigrando a n\u00facleos rurales, onde ent\u00e1 yeren necesarios los sos productos.<\/p>\n<p>L&#8217;oriente d&#8217;Asturies atrop\u00f3 bona parte d&#8217;esa emigraci\u00f3n, siendo famosu los alfareros de Pilo\u00f1a, Parres y principalmente Cangues d&#8217;On\u00eds, onde llegaron a esistir hasta cinco alfarer\u00edes.<\/p>\n<p>Angua\u00f1o na aldega de Faru solo queda un alfareru qu&#8217;hered\u00f3 l&#8217;oficiu de les sos antepasaos xeneraci\u00f3n tres xeneraci\u00f3n.<\/p>\n<p><img loading=\"lazy\" decoding=\"async\" class=\"aligncenter\" src=\"https:\/\/encrypted-tbn0.gstatic.com\/images?q=tbn:ANd9GcTR28kVyfgd3qwCkn2ICP6JNBpKea-RZS3fF5sLEuFyAkmWuml3Qyn-alg-FidZmJD8Ug&amp;usqp=CAU\" width=\"300\" height=\"32\" \/><\/p>\n<blockquote>\n<p style=\"text-align: center\"><span style=\"color: #008080;font-size: 24px\"><em><strong>Ferreros<\/strong><\/em><\/span><\/p>\n<\/blockquote>\n<p>Trabayen el fierro n&#8217;unos talleres conoc\u00edos como Ferrer\u00edes, onde tienen un fornu para calecer el fierro hasta que se vuelve incandescente \u201cen caldia\u201d para poder moldialo. Por ello suelen ser talleres escuros para poder ver los colores del fierro, que pasa de collor\u00e1u a anaranx\u00e1u y mariellu. El color ideal para&#8217;l forx\u00e1u ye&#8217;l blancu anaranx\u00e1u.<\/p>\n<p>Tami\u00e9n precisen grandes martiellos para cutir y moldiar (forxar) el fierro sobro la incla.<\/p>\n<p>Na Ed\u00e1 Media ya inclusive na d\u00f3mina romana, esist\u00eden tami\u00e9n lo que conocemos como Fragua, un Inxeniu hidr\u00e1ulicu necesariu pa trabayos de gran tama\u00f1u como les ruedes de los carros de caballos, qu&#8217;aprovecha la fuerza de los r\u00edos pa poner en marcha&#8217;l mecanismu que mueve enormes y pesaos martiellos (en dellos casu de m\u00e1s de 500 quilos). La finalid\u00e1 yera tresformar los tochos (lingotes de fierro) en ll\u00e1mines. Xuna tresformamientu prioritariu que supon\u00eda un gran aforru de tiempu y esfuerzu antes de pasar a rematar manualmente tou tipu d&#8217;instrumentos<\/p>\n<p>N&#8217;Uvi\u00e9u, el gremiu de ferreros, taba concentr\u00e1u na cai Ferrer\u00eda qu&#8217;angua\u00f1o ye la cai Mon, anque m\u00e1s tarde tresllad\u00e1ronse a estramuros, con cuenta de protexer la ciud\u00e1 del peligru de quema.<\/p>\n<p><img loading=\"lazy\" decoding=\"async\" class=\"aligncenter\" src=\"https:\/\/encrypted-tbn0.gstatic.com\/images?q=tbn:ANd9GcTR28kVyfgd3qwCkn2ICP6JNBpKea-RZS3fF5sLEuFyAkmWuml3Qyn-alg-FidZmJD8Ug&amp;usqp=CAU\" width=\"300\" height=\"32\" \/><\/p>\n<blockquote>\n<p style=\"text-align: center\"><span style=\"color: #008080;font-size: 24px\"><strong><em>L&#8217;alquimia<\/em><\/strong><\/span><\/p>\n<\/blockquote>\n<p>Consid\u00e9rase alquimia a una antigua disciplina filos\u00f3fica de base esot\u00e9rica rellacionada con ciencies como la qu\u00edmica, la metalurxa, la f\u00edsica, la medicina, la metaf\u00edsica y, inclusive, l&#8217;arte.<\/p>\n<p>Mientres l&#8217;oscurantismo de la Europa medieval foi considerada, probablemente pol so orixe oriental, fonte de saberes ocultos y bruxer\u00eda, y por tanto, escorrida. El so oxetivu final yera la busca de la piedra filosofal lo que pon\u00eda en xaque la bien armada estructura de poder de la ilesia cristiana medieval<\/p>\n<p>Sicas\u00ed, nel llinguaxe m\u00edstico y herm\u00e9tico de l&#8217;alquimia, la piedra filosofal ocupa un llugar central na busca de la perfecci\u00f3n, el llume y la felicid\u00e1 celestial. Seg\u00fan esta tradici\u00f3n, la piedra foi apurrida por Dios al mesmu Ad\u00e1n, y foi responsable de la llonxevid\u00e1 de los patriarques b\u00edblicos.<\/p>\n<p>Nesta ll\u00ednea, dellos estudiosos non acad\u00e9micos indiquen la relaci\u00f3n ente l&#8217;alquimia y les catedrales: los principios d&#8217;esta sabidur\u00eda atopar\u00edense espuestos a la vista de toos pero al travi\u00e9s de s\u00edmbolos incomprensibles pa los ensin entender. Por casu, la relaci\u00f3n ente la planta de cruz col crisol alqu\u00edmico o&#8217;l conceutu \u201carte g\u00f3tico\u201d col t\u00e9rminu \u201cx\u00edriga\u201d, un llinguaxe secretu solu pa empecipiaos.<\/p>\n<p>Asina, unu de los personaxes m\u00e1s misteriosos del arte medieval, el Green Man, representa un esp\u00edritu vexetal, s\u00edmbolu de la vida y del resucitar de la naturaleza vencey\u00e1u a la primavera y al ciclu reproductivu, colase n&#8217;infinid\u00e1 de templos rom\u00e1nicos y g\u00f3ticos, como numberoses ilesies d&#8217;Inglaterra, Francia y Alema\u00f1a, nes catedrales de Santiago de Compostela, Uvi\u00e9u, Burgos, Toledo o Lli\u00f3n.<\/p>\n<p><img loading=\"lazy\" decoding=\"async\" class=\"aligncenter\" src=\"https:\/\/encrypted-tbn0.gstatic.com\/images?q=tbn:ANd9GcTR28kVyfgd3qwCkn2ICP6JNBpKea-RZS3fF5sLEuFyAkmWuml3Qyn-alg-FidZmJD8Ug&amp;usqp=CAU\" width=\"300\" height=\"32\" \/><\/p>\n<blockquote>\n<p style=\"text-align: center\"><strong><em><span style=\"color: #008080;font-size: 24px\">Plater\u00eda y Orfebrer\u00eda<\/span><\/em><\/strong><\/p>\n<\/blockquote>\n<p>Orfebrer\u00eda ye l&#8217;arte de llabrar oxetos art\u00edsticos d&#8217;oru, plata y otros metales preciosos, o aleaciones d&#8217;ellos.<\/p>\n<p>La orfebrer\u00eda y l&#8217;artesan\u00eda del acebache son les manufactures que m\u00e1s s&#8217;acomu\u00f1ar cola pelegrinaci\u00f3n. A lo llargo del Cam\u00edn de Santiago esistieron ciertos focos d&#8217;ellaboraci\u00f3n d&#8217;oxetos d&#8217;oru, plata ya inclusive piedres precioses venceyaos a la simbolox\u00eda xacobea.<\/p>\n<p>N&#8217;Uvi\u00e9u&#8217;l gremiu de los plateros ten\u00eda la so cai, g\u00fcei sumida, allugada nes cercan\u00edes de la catedral.<\/p>\n<p>Dende principios de la Ed\u00e1 Media, esta orfebrer\u00eda tien bien delimitaos les sos grandes temes, que se reproducen una y otra vez: la concha de vieira, el bord\u00f3n (cay\u00e1u) del pelegr\u00edn, les imaxes de Santiago como pelegr\u00edn y cruces, casi siempres en plata, una y bones la plata ye, xuntu col acebache, la base de los oxetos calidable empobinaos a los pelegrinos.<\/p>\n<p>Son s\u00edmbolos que se reproducen individualmente o como parte de los m\u00e1s diversos oxetos: petrines, zurrones, vasos, medayes, crucifixos, etc. Estos oxetos yeren tan importantes para los pelegrinos que munches vegaes fa\u00edense soterrar con ellos.<\/p>\n<p>Podemos afirmar que la orfebrer\u00eda, como una activid\u00e1 propia de los pelegrinos, nun se va desenvolver hasta l&#8217;entamu de les pelegrinaciones europees, nel sieglu XI y consol\u00eddase definitivamente mientres el sieglu XII, el gran periodu de la pelegrinaci\u00f3n medieval. Ye una activid\u00e1 centrada tantu nel pelegr\u00edn como na creciente demanda d&#8217;oxetos para la lliturxa y el cultu.<\/p>\n<p><img loading=\"lazy\" decoding=\"async\" class=\"aligncenter\" src=\"https:\/\/encrypted-tbn0.gstatic.com\/images?q=tbn:ANd9GcTR28kVyfgd3qwCkn2ICP6JNBpKea-RZS3fF5sLEuFyAkmWuml3Qyn-alg-FidZmJD8Ug&amp;usqp=CAU\" width=\"300\" height=\"32\" \/><\/p>\n<blockquote>\n<p style=\"text-align: center\"><span style=\"color: #008080\"><strong><em><span style=\"font-size: 24px\">La casa medieval<\/span><\/em><\/strong><\/span><\/p>\n<\/blockquote>\n<p>Na Ed\u00e1 Media podemos atopar distintos tipos de viviendes dependiendo de la clase social a la que los habitantes pertenecieren. Los principales materiales que s&#8217;utilizaben yeren la piedra, la madera y materia vexetal.<\/p>\n<p>Les viviendes m\u00e1s humildes nam\u00e1 ten\u00eden una estancia que sirv\u00eda de cocina, sala y cuartu. Llabradores y artesanos dorm\u00eden en colchones que pod\u00eden endolcase mientres el d\u00eda para aprovechar meyor l&#8217;espaciu. Los llabradores am\u00e1s ten\u00eden una habitaci\u00f3n para los preseos del campu. Los artesanos compart\u00eden la so casa col taller y n&#8217;ocasiones cola tienda.<\/p>\n<p>Les cases ten\u00eden un pequenu patiu traseru onde sol\u00eda haber un pequenu g\u00fcertu, una corrolada, un pozu y una letrina..<\/p>\n<p>Nes ciudaes les cases m\u00e1s habituales, que yeren les de clase alta, componse de dos pisos y taben construy\u00edes de piedra y madera. El pisu inferior sol\u00eda cuntar con un pequenu patiu y delles habitaciones con distintes funciones a la so alredor. Nel pisu cimeru atop\u00e1bense les habitaciones de la familia. Munches vegaes les viviendes compart\u00eden les vigues de madera ente s\u00ed, esto fa\u00eda qu&#8217;en casu de quema les llapaes pasaren d&#8217;una casa a otra. Na navid\u00e1 de 1521 Uvi\u00e9u sufri\u00f3 una quema que dex\u00f3 la ciud\u00e1 pr\u00e1cticamente destruyida. El fueu empez\u00f3 n&#8217;una de les cases, paez ser que nun fornu o con un infiernillo pa xenerar calor, y les llapaes fueron taramiando la ciud\u00e1 borrando cualesquier traza medieval.<\/p>\n<p><img loading=\"lazy\" decoding=\"async\" class=\"aligncenter\" src=\"https:\/\/encrypted-tbn0.gstatic.com\/images?q=tbn:ANd9GcTR28kVyfgd3qwCkn2ICP6JNBpKea-RZS3fF5sLEuFyAkmWuml3Qyn-alg-FidZmJD8Ug&amp;usqp=CAU\" width=\"300\" height=\"32\" \/><\/p>\n<blockquote>\n<p style=\"text-align: center\"><strong><em><span style=\"color: #008080;font-size: 24px\">Fiestes medievales<\/span><\/em><\/strong><\/p>\n<\/blockquote>\n<p>Metanes una esistencia vulgar ensin imaxes atentes, la fiesta urbana na Ed\u00e1 Media significaba un par\u00e9ntesis. Les fiestes yeren fundamentalmente relixoses y la mayor\u00eda rellacionense colos ciclos agrarios que marcaben la vida de los habitantes urbanos.<\/p>\n<p>La celebraci\u00f3n del Antroxu y otros espect\u00e1culos burlescos resultaron contrarios a la norma opresiva, porque daben llugar a una interpretaci\u00f3n llibre de la vida que s&#8217;entend\u00eda como fonte d&#8217;emancipaci\u00f3n.<\/p>\n<p>Cualesquier que fuera l&#8217;orixe, toes elles yeren momentos de socializaci\u00f3n y creaci\u00f3n de fuertes llazos, que marcaben les estaciones y casi siempres se viv\u00eden nel esterior de les humildes viviendes, nes cais.<\/p>\n<p>Traza particular de les celebraciones uvieines na Ed\u00e1 Media y celosamente esixida pol conceyu urbanu foi la participaci\u00f3n de les confrer\u00edes<\/p>\n<p>Na ciud\u00e1 medieval, cualquier acontecimientu de calter estraordinariu y escepcional yera dignu de celebraci\u00f3n, como les victories militares y les bones nueves llegaes dende la Corte seg\u00fan tolos acontecimientos personales venceyaos cola casa real dignos de ser festexaos.<\/p>\n<p><img loading=\"lazy\" decoding=\"async\" class=\"aligncenter\" src=\"https:\/\/encrypted-tbn0.gstatic.com\/images?q=tbn:ANd9GcTR28kVyfgd3qwCkn2ICP6JNBpKea-RZS3fF5sLEuFyAkmWuml3Qyn-alg-FidZmJD8Ug&amp;usqp=CAU\" width=\"300\" height=\"32\" \/><\/p>\n<blockquote>\n<p style=\"text-align: center\"><span style=\"color: #008080\"><strong><em><span style=\"font-size: 24px\">Xuglares<\/span><\/em><\/strong><\/span><\/p>\n<\/blockquote>\n<p>Los xuglares yeren unos personaxes d&#8217;orixe humilde de la d\u00f3mina medieval, c\u00f3micos ambulantes que se dedicaben am\u00e1s a exercicios circenses, faciendo xuegos malabares, actuando como volatines y saltimbanquis, como bufonos que cunten chistes y toquen preseos senciellos o baillen y canten representando pieces sencielles de mimu o t\u00edteres, recitando versos que compon\u00eden otros autores.<\/p>\n<p>Realizaben les sos funciones bien nos llugares p\u00fablicos como les places de los pueblos o nos castiellos de los se\u00f1ores feudales.<\/p>\n<p>El xuglar cumpl\u00eda dos funciones, informar y entretener. En cuenta de la so actuaci\u00f3n recib\u00eden, comida, vist\u00edos, vinos, agosp\u00e9u y delles vegaes dineru y asina se ganaben la vida.<\/p>\n<p><img loading=\"lazy\" decoding=\"async\" class=\"aligncenter\" src=\"https:\/\/encrypted-tbn0.gstatic.com\/images?q=tbn:ANd9GcTR28kVyfgd3qwCkn2ICP6JNBpKea-RZS3fF5sLEuFyAkmWuml3Qyn-alg-FidZmJD8Ug&amp;usqp=CAU\" width=\"300\" height=\"32\" \/><\/p>\n<blockquote>\n<p style=\"text-align: center\"><span style=\"color: #008080\"><em><strong><span style=\"font-size: 24px\">Torre defensiva d&#8217;Alfonso III-la Fortaleza<\/span><\/strong><\/em><\/span><\/p>\n<\/blockquote>\n<p>Esta torre conocida como la Fortaleza o&#8217;l Castiellu, foi mandada construyir pol Monarca Asturianu Alfonso III a finales del sieglu IX. Tr\u00e1tase\u00a0 d&#8217;una s\u00f3lida edificaci\u00f3n de piedra con torrex\u00f3n y almenes que formaba parte de la muralla realizada nesa d\u00f3mina, col fin de xixilar les incursiones enemigues que s&#8217;averaben a la ciud\u00e1, especialmente les normandes. Sirv\u00eda para protexer la Catedral de San Salvador y la mesma ciud\u00e1.<\/p>\n<p>A\u00f1os m\u00e1s tarde el rei Alfonso IX dispon ampliar la cortil cercada, que se remat\u00f3 mientres el rein\u00e1u d&#8217;Alfonso X y deciden incluyir esta torre de casi venti metros d&#8217;altor nel nuevu traz\u00e1u medieval, nel \u00e1ngulu esti de la muralla, onde tami\u00e9n s&#8217;abre una de les entraes a la ciud\u00e1: la puerta de Socastiello.<\/p>\n<p>En 1716 \u00fasase de polvor\u00edn y una esplosi\u00f3n del material almacen\u00e1u caus\u00f3-y graves da\u00f1os. Pero foi mientres la Invasi\u00f3n francesa y la Guerra de la Independencia nel a\u00f1u 1810 cuando m\u00e1s da\u00f1os sufri\u00f3, quedando pr\u00e1cticamente en ruines.<\/p>\n<p>M\u00e1s tarde, en 1823 construyise n&#8217;ese solar un nuevu inmueble que sigui\u00f3 llam\u00e1ndose la Fortaleza y funcion\u00f3 como c\u00e1rcel d&#8217;homes hasta que se construy\u00f3 la c\u00e1rcel modelo en Ciud\u00e1 Naranco, quedando l&#8217;anterior en desusu y balt\u00e1ndose para construyir l&#8217;edificiu de la telef\u00f3nica en 1929.<\/p>\n<p>Al pie de la torre atopaba&#8217;l palaciu del Rei Alfonso III, asiti\u00e1u na actual cai Schultz. D&#8217;esti palaciu, que na Baxa Ed\u00e1 Media pas\u00f3 a ser hospital de pelegrinos, apenes queden dellos restos nel mus\u00e9u arqueol\u00f3xicu y en colecciones privaes.<\/p>\n<p><img loading=\"lazy\" decoding=\"async\" class=\"aligncenter\" src=\"https:\/\/encrypted-tbn0.gstatic.com\/images?q=tbn:ANd9GcTR28kVyfgd3qwCkn2ICP6JNBpKea-RZS3fF5sLEuFyAkmWuml3Qyn-alg-FidZmJD8Ug&amp;usqp=CAU\" width=\"300\" height=\"32\" \/><\/p>\n<blockquote>\n<p style=\"text-align: center\"><span style=\"color: #008080\"><strong><em><span style=\"font-size: 24px\">El gremiu del pan<\/span><\/em><\/strong><\/span><\/p>\n<\/blockquote>\n<p>A finales del sieglu XIII la poblaci\u00f3n n&#8217;Uvi\u00e9u y\u00e1 superaba los 5000 habitantes, visitada davezu por pelegrinos qu&#8217;introducieron l&#8217;estilu comercial de los francos, siendo lo primero que se viende nos sos comercios el pan y la sidra.<\/p>\n<p>Nesta d\u00f3mina&#8217;l pan yera&#8217;l 70% de la raci\u00f3n diaria del alimentu, sobremanera nes clases baxes, que lo ellaboraben con dellos tipos de ceberes: el centenu, l&#8217;avena, trigu sarracenu, el miyu o la escanda. La farina de trigu blancu y refin\u00e1u consum\u00edala nam\u00e1 les clases altes.<\/p>\n<p>Esti alimentu acompa\u00f1ase con otros productos \u201ccompanagium\u201d, y con b\u00e9bores como&#8217;l vinu, la cerveza o la sidra, una y bones l&#8217;agua yera un focu de tresmisi\u00f3n d&#8217;enfermedaes.<\/p>\n<p>Nel Uvi\u00e9u medieval yeren les muyeres,\u201d les panaderinas\u201d, encabezaes por Mar\u00eda P\u00e9rez nel sieglu XIII, les principales encargaes de la so ellaboraci\u00f3n, y a les que les Ordenances obligaben a imponer una marca o se\u00f1al en cada pieza fabricada. Les panaderes encargabanse d&#8217;amasar y vender el pan, y los forneros de cocelo.<\/p>\n<p>Los due\u00f1os de los fornos cobraben una porci\u00f3n del pan qu&#8217;enfornaben ente que les panaderes, mal pagues, diben col cestu na cabeza de puerta en puerta para la so vienta, una y bones poques ten\u00eden un puestu fixu de vienta.<\/p>\n<p>Tocantes a el so allugamientu na ciud\u00e1, nesta d\u00f3mina, si sabemos que, na cai del Pesu, pes\u00e1base la farina que depu\u00e9s yera llevada a los fornos, asitiaos fora de la muralla por mieu a les quemes.<\/p>\n<p>N&#8217;Uvi\u00e9u siempres foi importante la producci\u00f3n de pan y farina y\u00e1 que lleg\u00f3 a tener documentaos hasta 49 molinos.<\/p>\n<p><img loading=\"lazy\" decoding=\"async\" class=\"aligncenter\" src=\"https:\/\/encrypted-tbn0.gstatic.com\/images?q=tbn:ANd9GcTR28kVyfgd3qwCkn2ICP6JNBpKea-RZS3fF5sLEuFyAkmWuml3Qyn-alg-FidZmJD8Ug&amp;usqp=CAU\" width=\"300\" height=\"32\" \/><\/p>\n<blockquote>\n<p style=\"text-align: center\"><span style=\"font-size: 24px\"><strong><em><span style=\"color: #008080\">Ilesia de Santuyano de Los Praos<\/span><\/em><\/strong><\/span><\/p>\n<\/blockquote>\n<p>Ye&#8217;l mayor de los edificios prerrom\u00e1nicos qu&#8217;ent\u00e1 se caltien. Foi consagrada nel a\u00f1u 792 nel rein\u00e1u d&#8217;Alfonso II El Castu y ye conocida tami\u00e9n como Santullano, el nomatu de los Praos vien-y por el so llugar allugamientu.<\/p>\n<p>Form\u00f3 parte d&#8217;un conxuntu palat\u00edn que foi don\u00e1u a la Catedral de San Salvador d&#8217;Uvi\u00e9u.<\/p>\n<p>La ilesia ye de planta basilical, formada por tr\u00e9s naves y un transepto. La nave central ye m\u00e1s alta y ancha que les llaterales, utiliz\u00e1ndose la diferencia d&#8217;altor para abrir ventanes.<\/p>\n<p>Nel \u00e1bside central atopamos la c\u00e1mara secreta, una habitaci\u00f3n a la que solo s&#8217;apuerta dende l&#8217;esterior al travi\u00e9s de la ventana tr\u00edfora.<\/p>\n<p>Les ventanes t\u00e1n decoraes con celos\u00edes y el muriu realiz\u00e1u en sillarexo y con contrafuertes.<\/p>\n<p>Tola ilesia, sacante los \u00e1bsides tien cubierta de madera de carbayu.<\/p>\n<p>L&#8217;interior de la ilesia at\u00f3pase decor\u00e1u con pintures murales ellaboraes al frescu, la t\u00e9cnica emplegada ye&#8217;l punz\u00f3n sobro estuco y posterior pintura. Los colores m\u00e1s utilizaos son azules, ocres y colloraos y siguen xuna tradici\u00f3n a imitaci\u00f3n del estilu pompeyanu.<\/p>\n<p><img loading=\"lazy\" decoding=\"async\" class=\"aligncenter\" src=\"https:\/\/encrypted-tbn0.gstatic.com\/images?q=tbn:ANd9GcTR28kVyfgd3qwCkn2ICP6JNBpKea-RZS3fF5sLEuFyAkmWuml3Qyn-alg-FidZmJD8Ug&amp;usqp=CAU\" width=\"300\" height=\"32\" \/><\/p>\n<blockquote>\n<p style=\"text-align: center\"><span style=\"font-size: 24px\"><strong><em><span style=\"color: #008080\">Suministru y consumu de pexe n&#8217;Uvi\u00e9u<br \/>\nmientres la Ed\u00e1 Media<\/span><\/em><\/strong><\/span><\/p>\n<\/blockquote>\n<p>Los carniceros y los pescaderos fueron los primeres n&#8217;estremar, por razones d&#8217;hixene, un espaciu para la vienta y otru para&#8217;l caltenimientu y l&#8217;almacenamientu del productu.<\/p>\n<p>La ciud\u00e1 recib\u00eda importantes cantidaes de pexe, tantu de la mari\u00f1a avilesina como de los r\u00edos Nora y Nal\u00f3n, lo que dexaba a los sos habitantes introducir dichu productu na so dieta alimenticia diaria.<\/p>\n<p>El pexe de mar ten\u00eda d&#8217;esponese nos bancos del azogue nam\u00e1s llegar a la ciud\u00e1, amos\u00e1ndose a los vicarios encargaos d&#8217;ello antes de ser descarg\u00e1u y castig\u00e1ndose cola perda de vecind\u00e1 la costume de \u201cestremar\u201d el pexe y dexalo en cases particulares.<\/p>\n<p>La sardina, el c\u00f3ngaru y la merluza fueron les especies b\u00e1siques de la producci\u00f3n pesquera, xuntu col salm\u00f3n, bien abondosu nos r\u00edos asturianos.<\/p>\n<p>La pescader\u00eda tuvo suxeta mientres tola Ed\u00e1 Media al control directu del conceyu, que nomaba un visitador, encarg\u00e1u de xixilar el caltenimientu y garantizar \u201cque&#8217;l pescaderu cumpliera tou aquello a lo que ta oblig\u00e1u\u201d, incluyendo la hixene y llimpieza de la ciud\u00e1. Por casu, taba prohib\u00edu, tener el pexe na ciud\u00e1 m\u00e1s de dos d\u00edes pel branu y tr\u00e9s pel hibiernu.<\/p>\n<p>Dada la facilid\u00e1 de descomposici\u00f3n d&#8217;estos productos, el pexe vend\u00edase secu o frescu remoy\u00e1u.<\/p>\n<p>Pa faer posible&#8217;l so consumu, el pexe seco sufr\u00eda un procesu inversu al del caltenimientu, volviendo ser amug\u00e1u pal so cocin\u00e1u posterior. Teniendo en cuenta que nun esist\u00eda agua corriente nes cases, el pexe vend\u00edase y\u00e1 remoy\u00e1u, poni\u00e9ndose n&#8217;agua dos o tr\u00e9s d\u00edes antes de la vienta por que coyera el mugor abondo que-y dexara ser consum\u00edu dempu\u00e9s.<\/p>\n<p>Al igual qu&#8217;asocede en col oficiu de les panaderes, tradicionalmente destin\u00e1u a muyeres, tami\u00e9n lo taba la vienta ambulante de sardines.<\/p>\n<p>Tami\u00e9n intervinieron les autoridaes uvieines nel acondicionamientu de los llugares de vienta y provisi\u00f3n d&#8217;alimentos, habilitando edificios como la plaza del pexe.<\/p>\n<p><img loading=\"lazy\" decoding=\"async\" class=\"aligncenter\" src=\"https:\/\/encrypted-tbn0.gstatic.com\/images?q=tbn:ANd9GcTR28kVyfgd3qwCkn2ICP6JNBpKea-RZS3fF5sLEuFyAkmWuml3Qyn-alg-FidZmJD8Ug&amp;usqp=CAU\" width=\"300\" height=\"32\" \/><\/p>\n<blockquote>\n<p style=\"text-align: center\"><span style=\"color: #008080\"><strong><em><span style=\"font-size: 24px\">Tortures<\/span><\/em><\/strong><\/span><\/p>\n<\/blockquote>\n<p>Nel sieglu XII, el decretu del papa Lucio III tuvo una gran importancia na evoluci\u00f3n de la Inquisici\u00f3n Medieval que se realizaba col fin de consiguir confesiones, como m\u00e9todu de prueba y para determinar la veracid\u00e1 o falsed\u00e1 d&#8217;una acusaci\u00f3n y la culpabilid\u00e1 o inocencia d&#8217;una persona.<\/p>\n<p>Los procedimientos de tortura m\u00e1s emplegaos pola Inquisici\u00f3n fueron:<\/p>\n<p>El tormentu de la garrucha consist\u00eda en colgar al reu del techu con una polea por mediu d&#8217;una cuerda atada a les mu\u00f1eques y con pesos ataos a los tod\u00edos, dir iz\u00e1ndolo amodo y soltar de s\u00f3pitu, colo cual brazos y piernes sufr\u00eden violentos tirones y n&#8217;ocasiones escord\u00e1bense.<\/p>\n<p>La toca, tami\u00e9n llamada \u00abtortura de l&#8217;agua\u00bb, consist\u00eda n&#8217;arreyar al prisioneru a una escalera inclinada, cola cabeza m\u00e1s baxa que los pies ya introducir una toca o un pa\u00f1u na boca a la v\u00edctima y obligala a inxerir agua arramada dende un xarru por qu&#8217;albidrara de que s&#8217;afogaba.<br \/>\nEl potru onde&#8217;l prisioneru ten\u00eda les mu\u00f1eques y los tod\u00edos ataos con cuerdes que se diben retorciendo progresivamente por mediu d&#8217;una palanca.<\/p>\n<p>Nes places p\u00fabliques populares, los m\u00e9todos de tortura m\u00e1s utilizaos yeren la Gardu\u00f1a y la Picota, que nun ten\u00eden por qu\u00e9 acabar cola vida del axustici\u00e1u, sin\u00f3n m\u00e1s bien, humildalo p\u00fablicamente.<\/p>\n<p>La tortura foi abolida n&#8217;Espa\u00f1a pola Constituci\u00f3n de Bayona de 1808.<\/p>\n<p>&nbsp;<\/p>\n","protected":false},"excerpt":{"rendered":"<p>Fonte: Ayto. Oviedo \/ Oviedo en el Origen Uviedo te cuida:<\/p>\n","protected":false},"author":117,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[33],"tags":[],"class_list":["post-15527","post","type-post","status-publish","format-standard","hentry","category-uvieu"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/15527","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=15527"}],"version-history":[{"count":10,"href":"https:\/\/edublog.educastur.es\/ixuxu\/wp-json\/wp\/v2\/posts\/15527\/revisions"}],"predecessor-version":[{"id":15951,"href":"https:\/\/edublog.educastur.es\/ixuxu\/wp-json\/wp\/v2\/posts\/15527\/revisions\/15951"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=15527"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=15527"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=15527"}],"curies":[{"name":"wp","href":"https:\/\/api.w.org\/{rel}","templated":true}]}}