{"id":18949,"date":"2023-04-30T10:20:47","date_gmt":"2023-04-30T08:20:47","guid":{"rendered":"https:\/\/edublog.educastur.es\/ixuxu\/?p=18949"},"modified":"2023-04-30T18:28:59","modified_gmt":"2023-04-30T16:28:59","slug":"rodrigo-cuevas-y-lasturies-con-remangu","status":"publish","type":"post","link":"https:\/\/edublog.educastur.es\/ixuxu\/2023\/04\/rodrigo-cuevas-y-lasturies-con-remangu\/","title":{"rendered":"Rodrigo Cuevas y l\u2019Asturies con Remangu"},"content":{"rendered":"<div class=\"td_block_wrap tdb_title tdi_56 tdb-single-title td-pb-border-top td_block_template_1\" data-td-block-uid=\"tdi_56\">\n<div class=\"tdb-block-inner td-fix-index\">\n<ul>\n<li class=\"tdb-title-text\"><a href=\"https:\/\/www.nortes.me\/2023\/04\/30\/rodrigo-cuevas-y-lasturies-con-remangu\/?fbclid=IwAR2H7LJ1CdEZ3ObnyHCbkW2_xNTvtd9yePhHDH5rqpxQQMPeg21mHJ1myn0?utm_campaign=facebook\">Fonte: Nortes.me \/ Rodrigo Cuevas y l\u2019Asturies con Remangu<\/a><\/li>\n<\/ul>\n<div style=\"text-align: center\"><a href=\"https:\/\/www.nortes.me\/wp-content\/uploads\/2020\/12\/enar.jpg\"><img loading=\"lazy\" decoding=\"async\" class=\"aligncenter \" src=\"https:\/\/www.nortes.me\/wp-content\/uploads\/2020\/12\/enar.jpg\" width=\"595\" height=\"568\" \/><\/a><\/div>\n<\/div>\n<\/div>\n<div class=\"td_block_wrap tdb_single_subtitle tdi_57 td-pb-border-top td_block_template_1\" data-td-block-uid=\"tdi_57\">\n<div class=\"tdb-block-inner td-fix-index\">\n<p>Lo que necesita Asturies ye autoestima colectiva, enterrar complexos y garrar d&#8217;una vez el tim\u00f3n del so propiu futuru.<\/p>\n<p><!--more--><\/p>\n<p>\u201cYo pensaba que esta Espa\u00f1a no exist\u00eda\u201d, dic\u00eda-y <strong>\u00c9vole <\/strong>a <strong>Rodrigo Cuevas<\/strong> nel programa que\u2019l catal\u00e1n-y dedic\u00f3 al asturianu, na terrazuca de <strong>Casa Maribel<\/strong>, en<strong> Pilo\u00f1a<\/strong>, mientres nel chigre taben de folixa cantando, bailando y bebiendo sidra. Nun sab\u00eda\u2019l comunicador catal\u00e1n qu\u2019exist\u00eda esi mundu creativu y modernu de xente mozo que nun dex\u00f3 los pueblos o volvi\u00f3 a vivir nellos. Tampoco munchos asturianos, mesmamente esa clase media aspiracional que vive nes ciudaes o nes villes y que quier escaecer la cultura y los modos de vida de los pas o de los g\u00fcelos, porque n\u2019Asturies cuasi toos venimos del verde, m\u00e1s que del urbanu asfaltu.<\/p>\n<p>Esa que descubri\u00f3 \u00c9vole, de la que Rodrigo Cuevas ye\u2019l meyor embaxador, ye una <strong>Asturies<\/strong> moza y\u00a0din\u00e1mica que rescata o inventa sectores productivos y ta enfotada na cultura tradicional pa da-y una vuelta y adaptala a la modernid\u00e1, como se fizo cola gaita, que y\u00e1 nun ye un instrumentu de vieyos acompa\u00f1aos al tambor; o cola sidra, cada vez meyor y con m\u00e1s palos pa ufierta-y al cliente.<\/p>\n<p style=\"text-align: center\"><a href=\"https:\/\/www.nortes.me\/wp-content\/uploads\/2023\/04\/lodeEvole-1536x864.png\"><img loading=\"lazy\" decoding=\"async\" class=\"aligncenter size-full\" src=\"https:\/\/www.nortes.me\/wp-content\/uploads\/2023\/04\/lodeEvole-1536x864.png\" width=\"1536\" height=\"864\" \/><\/a><\/p>\n<p>Ye una Asturies viva, pero invisible pa los poderes, pa les alministraciones y pa bona parte de los asturianos. Como la llingua asturiana na que falen Rodrigo y los sos collacios. \u201cCanto nuna llingua que nun existe\u201d, dic\u00eda <strong>Chus Pedro <\/strong>nos conciertos de la despidida de <strong>Nuberu<\/strong>. Dizlo <strong>Milio Rodr\u00edguez Cueto <\/strong>nel final de los sos art\u00edculos.<\/p>\n<blockquote class=\"wp-block-quote\"><p><span style=\"font-size: 20px;color: #800080\"><em>\u201cYe una Asturies viva, pero invisible pa los poderes, pa les alministraciones y pa bona parte de los asturianos\u201d<\/em><\/span><\/p><\/blockquote>\n<p>Ye esta otra Asturies moza que contrasta cola de \u201clas leyendas urbanas\u201d de <strong>Tini Areces<\/strong>. Son xente d\u00b4eses mesmes xeneraciones mui bien formaes, les m\u00e1s preparaes de la historia d\u2019Asturies, pero los que se negaron a salir de la so tierra y se busquen la vida nella. Y f\u00e1enlo emprendiendo y creando empreses, nes zones urbanes y nes rurales, onde la so presencia n\u00f3tase m\u00e1s nun mundu en peligru de supervivencia, como la llingua, pola ca\u00edda demogr\u00e1fica. En <strong>NORTES<\/strong>, tami\u00e9n a costa del programa de \u00c9vole, <strong>Diego D\u00edaz <\/strong>citaba delles d\u2019eses iniciatives. <strong>L\u2019Apiaderu d\u2019El Remediu (Nava)<\/strong>, un centru cultural alternativu. <strong>El Tenderete<\/strong>, un merc\u00e1u llocal en Cabranes, onde los neorrulares asitiaos nel conceyu frenaron la ca\u00edda demogr\u00e1fica y evitaron el pieslle de la escuela. Ye\u2019l mesmo conceyu nel que <strong>Mar\u00eda Arce<\/strong> fai un fanz\u00edn con un nome que da pistes del conten\u00edu: <strong>La Nueva Paisana<\/strong>. <strong>Casa Narciso en Teberga,<\/strong> l\u2019\u00faltimu templu de la modernid\u00e1 qu\u2019abri\u00f3\u2019l gran <strong>Jose Lata<\/strong> nun chigre guap\u00edsimu del sieglu XIX. La Xata la Rifa, el personaxe al que y-da vida M\u00f3nica Cofi\u00f1o colos sos espect\u00e1culos itinerantes. <strong>Mediu G\u00fceyu,<\/strong> un festival que lleva m\u00fasica y cine a Llug\u00e1s (Villaviciosa).<strong> Bocanegra<\/strong>, l\u2019asociaci\u00f3n cultural que monta unos conciertos ablucantes en Valles (Pilo\u00f1a). Y hai bastantes m\u00e1s bendites llocures d\u2019esa mena na zona rural asturiana.<\/p>\n<figure class=\"wp-block-image size-large\"><img loading=\"lazy\" decoding=\"async\" class=\"wp-image-27688 td-animation-stack-type0-2\" src=\"https:\/\/www.nortes.me\/wp-content\/uploads\/2021\/06\/FANZINE-02-1024x684.jpg\" alt=\"\" width=\"1024\" height=\"684\" \/><figcaption class=\"wp-element-caption\">Mar\u00eda Arce, con el tercer n\u00famero de \u2018La Nueva Paisana\u2019, en Villanueva de Cabranes. FOTO: Luis Sevilla<\/figcaption><\/figure>\n<p>El llibru qu\u2019espublic\u00e9 va poco con <strong>Hoja de Lata<\/strong>, una d\u2019eses empreses d\u2019emprendedores mozos ya ilustraos, tit\u00falase<strong> No hay pa\u00eds<\/strong>, t\u00edtulu afit\u00e1u na debilid\u00e1 de la socied\u00e1 civil asturiana y la falta d\u2019un proyectu colectivu n\u2019Asturies. Pero pol alderique p\u00fablicu que ta provocando, que se ve nes presentaciones, ta visto que nun hai pa\u00eds, pero s\u00ed ganes de facelu. En dalgunes d\u2019elles hai muncha presencia d\u2019esta xente mozo que, fartuco del discursu oficial de crisis y decadencia que ya lo tien aburr\u00edo, ta faciendo pa\u00eds con peque\u00f1es iniciatives, pasando de subvenciones y de llamentaciones. Son xeneraciones nueves que y\u00e1 pasaron p\u00e1xina. Nun tienen se\u00f1ald\u00e1 pola Asturies que medr\u00f3 cola miner\u00eda y el sector p\u00fablicu, de munchu fumu y grandes factor\u00edes industriales, que nun van volver. Viven n\u2019otra distinta, con una econom\u00eda moderna onde\u2019l sector priv\u00e1u sustituy\u00f3 a la vieya<em><strong> Inilandia<\/strong><\/em> y el poder sindical, que mandaba sobre\u2019l pol\u00edticu, tami\u00e9n pas\u00f3 a la historia. Y nunca dicen \u201cye lo que hai\u201d, esa frase que resume en tres pallabres la desidia, la resignaci\u00f3n y la pereza intelectual, que tantos males provoquen n\u2019Asturies, porque xustifiquen l\u2019inmovilismu. Son xente gayolero y optimista que tira de \u201cpuru remangu\u201d, que ye como se llama la empresa d\u2019<strong>Enar Areces<\/strong> y <strong>Xicu Ariza<\/strong> asitiada en <strong>Xix\u00f3n<\/strong>, que fai unes orixinales camisetes coles que muestren con arguyu y faen bien visible esi esp\u00edritu y esi soplu d\u2019aire fresco. Son l\u2019Asturies con remangu.<\/p>\n<figure class=\"wp-block-image size-large\"><img loading=\"lazy\" decoding=\"async\" class=\"wp-image-48089 td-animation-stack-type0-2\" src=\"https:\/\/www.nortes.me\/wp-content\/uploads\/2022\/05\/Loading_Collacies_Enar_13-05-2022_02-1024x684.jpg\" alt=\"\" width=\"1024\" height=\"684\" \/><figcaption class=\"wp-element-caption\">Xicu Ariza y Enar Areces. Foto: David Aguilar S\u00e1nchez<\/figcaption><\/figure>\n<p>Son xente que naci\u00f3 cola autonom\u00eda asturiana, o m\u00e1s tarde na mayor\u00eda de los casos, y que descubre d\u2019\u00f3nde vien, davezu con rabia, lleendo \u201cNo hay pa\u00eds\u201d, porque naide nun-yos lo esplic\u00f3 nes aules, que siguen trancaes a la historia d\u2019Asturies. Nel llibru cuento c\u00f3mo Asturies foi la primera comunid\u00e1 que accedi\u00f3 a l\u2019autonom\u00eda pela v\u00eda lenta, con un estatutu probe y condicion\u00e1u pola intervenci\u00f3n de Madrid y la resaca del 23-F, que traxo un recorte nel desendolque auton\u00f3micu. Les costures d\u2019esi traxe auton\u00f3micu col que se visti\u00f3 Asturies en 1981, estrenchu y apert\u00e1u, frayaron cuantay\u00e1 y l\u2019estatutu qued\u00f3 peque\u00f1u y asfixante cuatro d\u00e9cades dempu\u00e9s. La socied\u00e1 camud\u00f3 dafechu y agora somos los asturianos los que tenemos decidir el nuesu dest\u00edn, porque y\u00e1 nun somos una comunid\u00e1 subsidiada y dependiente que tolo tenga qu\u2019esperar del Est\u00e1u o de la <strong>Uni\u00f3n Europea<\/strong>. El fracasu de la reforma del estatutu, que deber\u00eda dir muncho m\u00e1s all\u00e1 de la cooficialid\u00e1, foi una gran victoria de la estrema derecha y d\u2019esta Asturies inmovilista y vieya llantada nel pas\u00e1u.<\/p>\n<figure class=\"wp-block-image size-large\"><img loading=\"lazy\" decoding=\"async\" class=\"wp-image-4914 td-animation-stack-type0-2\" src=\"https:\/\/www.nortes.me\/wp-content\/uploads\/2020\/08\/casa_narciso-1024x682.jpg\" alt=\"\" width=\"1024\" height=\"682\" \/><figcaption class=\"wp-element-caption\">Fiesta de La Cara B en Casa Narciso. Foto: Fotogr\u00e1fica Oviedo.<\/figcaption><\/figure>\n<p>Asturies nun puede siguir mirando a <strong>Madrid<\/strong> o a<strong> Bruseles<\/strong>, esper\u00e1ndolo too de m\u00e1s all\u00e1 del <strong>Payares<\/strong> o del otru llau de la mar, como nel canciu de<strong> Llan de Cubel<\/strong>. Nin de les obres p\u00fabliques, esa obsesi\u00f3n decimon\u00f3nica que vien de un aislamientu que y\u00e1 nun existe. Nin de les inversiones foriates, por mui bienven\u00edes que seyan, que tienen una importancia que naide dulda, porque<strong> Arcelor<\/strong> sigue siendo\u2019l coraz\u00f3n industrial d\u2019Asturies. Necesita m\u00fasculu propio, un tex\u00edu industrial de peque\u00f1es y medianes empreses como\u2019l que tien el<strong> Pa\u00eds Vascu<\/strong>, que ye\u2019l so referente socioecon\u00f3micu na Cornisa Cant\u00e1brica por razones hist\u00f3riques.<\/p>\n<p>Asturies diluy\u00f3se n<strong>\u2018Espa\u00f1a <\/strong>cola democracia y col est\u00e1u de les autonom\u00edes, renunciando a la so personalid\u00e1 y a les sos capacidaes. Y con ello perdi\u00f3 Asturies, que refug\u00f3 munches de les sos fortaleces y afog\u00f3 munches de les sos enerx\u00edes; y tami\u00e9n Espa\u00f1a, que y\u00e1 nun aprovecha lo que foi un motor de desarrollu y riqueza. Nun se trata d\u2019ufiertar la receta del nacionalismu nin hai n\u2019Asturies amenaza secesionista, porque nun sosti\u00e9n, ni lu fair\u00e1 nunca, un conflictu col Est\u00e1u. Lo que necesita Asturies ye autoestima colectiva, enterrar complexos y garrar d\u2019una vez el tim\u00f3n del so propiu futuru. F\u00e1lta-y remangu, como\u2019l d\u2019esa xente mozo qu\u2019\u00c9vole nun sab\u00eda qu\u2019exist\u00eda. Que ye inda invisible, tami\u00e9n pa munchos asturianos, como esos pueblos nos que viven, tapec\u00edos ente valles y monta\u00f1es cuando los cubre la nublina. Y que rescamplen, guapos, lluminosos y vivos, cuando sal el sol y vuelve a apaecer el para\u00edsu.<\/p>\n<\/div>\n<\/div>\n<p>&nbsp;<\/p>\n","protected":false},"excerpt":{"rendered":"<p>Fonte: Nortes.me \/ Rodrigo Cuevas y l\u2019Asturies con Remangu Lo que necesita Asturies ye autoestima colectiva, enterrar complexos y garrar d&#8217;una vez el tim\u00f3n del so propiu futuru.<\/p>\n","protected":false},"author":117,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[29],"tags":[],"class_list":["post-18949","post","type-post","status-publish","format-standard","hentry","category-articulos"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/18949","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=18949"}],"version-history":[{"count":4,"href":"https:\/\/edublog.educastur.es\/ixuxu\/wp-json\/wp\/v2\/posts\/18949\/revisions"}],"predecessor-version":[{"id":18953,"href":"https:\/\/edublog.educastur.es\/ixuxu\/wp-json\/wp\/v2\/posts\/18949\/revisions\/18953"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=18949"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=18949"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=18949"}],"curies":[{"name":"wp","href":"https:\/\/api.w.org\/{rel}","templated":true}]}}