{"id":19434,"date":"2023-05-06T21:00:20","date_gmt":"2023-05-06T19:00:20","guid":{"rendered":"https:\/\/edublog.educastur.es\/ixuxu\/?p=19434"},"modified":"2023-05-07T21:34:50","modified_gmt":"2023-05-07T19:34:50","slug":"david-guardado-diez-dal-discursu-como-nuevu-academicu-de-numberu-de-lalla","status":"publish","type":"post","link":"https:\/\/edublog.educastur.es\/ixuxu\/2023\/05\/david-guardado-diez-dal-discursu-como-nuevu-academicu-de-numberu-de-lalla\/","title":{"rendered":"David Guardado Diez da&#8217;l discursu como nuevu acad\u00e9micu de n\u00famberu de l&#8217;ALLA"},"content":{"rendered":"<ul>\n<li>Fonte: <a href=\"https:\/\/www.nortes.me\/2023\/05\/06\/david-guardado-la-diversida-llinguistica-ye-imposible-destremar-de-la-identida-asturiana\/\">Nortes.me<\/a> \/<\/li>\n<\/ul>\n<p>Discursu de David Guardado Diez, nuevu acad\u00e9micu de n\u00famberu de l&#8217;Academia de la Llingua Asturiana, nel actu central del D\u00eda de les Lletres<\/p>\n<p style=\"text-align: center\"><a href=\"https:\/\/www.nortes.me\/wp-content\/uploads\/2023\/05\/IGF_9018.jpg\"><img loading=\"lazy\" decoding=\"async\" class=\"aligncenter \" src=\"https:\/\/www.nortes.me\/wp-content\/uploads\/2023\/05\/IGF_9018.jpg\" width=\"604\" height=\"403\" \/><\/a> Semeya d&#8217;Iv\u00e1n G. Fern\u00e1ndez<\/p>\n<blockquote><p><span style=\"color: #008080\"><em>Porque\u2019l nuestru papel ye caltener encesa la llume y construyir el formientu col qu\u2019imaxinen el futuru d\u2019Asturies les xeneraciones nueves.<\/em><\/span><\/p><\/blockquote>\n<p><!--more--><\/p>\n<p>Presidente de l\u2019Academia, acad\u00e9miques y acad\u00e9micos, presidente d\u2019Asturies y dem\u00e1s autoridaes, familia, amigues, amigos:<\/p>\n<p><strong>Nel branu del a\u00f1u 1994, recib\u00ed una llamada de l\u2019Academia de la Llingua Asturiana que diba cambiame dafechu la vida. <\/strong>Dende\u2019l centru Mercator Media de la Uni\u00f3n Europea taben acabante contactar cola academia pa solicitar la presencia, na so sede en Gales, d\u2019un asturianu o una asturiana: ufiert\u00e1ben-y una beca pa trabayar y formase un a\u00f1u. Yo yera un candidatu que concasaba colos tr\u00e9s requisitos que pid\u00eden:<strong> yera falante d\u2019asturianu y conoc\u00eda l\u2019ecosistema cultural y comunicativu del pa\u00eds; yera menor de 25 a\u00f1os; y ten\u00eda am\u00e1s un bon nivel d\u2019ingl\u00e9s.\u00a0<\/strong><\/p>\n<p>Asina, el cursu 94-95 pas\u00e9lu na Universid\u00e1 d\u2019Aberystwyth, onde pudi conocer de primer mano l\u2019activu y eficaz <strong>movimientu de recuperaci\u00f3n d\u2019una llingua <\/strong>que taba viviendo un resurdimientu impuls\u00e1u pola llealt\u00e1 lling\u00fc\u00edstica de los sos falantes.<\/p>\n<p>Pero, am\u00e1s, el programa formativu incluy\u00eda una especializaci\u00f3n en Tecnolox\u00eda de la Informaci\u00f3n, polo que tuvi la posibilid\u00e1 de conocer y trabayar con una ferramienta que taba nun est\u00e1u embrionariu: <strong>Internet<\/strong>.<\/p>\n<p>Al volver a Asturies, con tola enerx\u00eda de la moced\u00e1 y del exemplu gal\u00e9s, retom\u00e9\u2019l compromisu col idioma a travi\u00e9s de la mio participaci\u00f3n na <strong>Xunta pola Defensa de la Llingua Asturiana. <\/strong>Pero tami\u00e9n di un xiru radical a les mios espectatives profesionales. Con un amigu, estudiante d\u2019Inxeneria Inform\u00e1tica, Fernando de la Fuente, cre\u00e9 <em>Asturies.com,<\/em> un mediu dixital pioneru. Tr\u00e9s a\u00f1os depu\u00e9s, gracies a la mio esperiencia nesi campu incorpor\u00e9me primero a la edici\u00f3n dixital de <em>La Nueva Espa\u00f1a<\/em> y depu\u00e9s al grupu de comunicaci\u00f3n Prensa Ib\u00e9rica, onde desarroll\u00e9 hasta g\u00fcei <strong>la mio carrera profesional.<\/strong><\/p>\n<p>En toos estos a\u00f1os sigu\u00ed compatibilizando la mio vida llaboral y familiar col compromisu en dellos proyectos rellacionaos cola llingua asturiana. L\u2019\u00faltimu y pa min el m\u00e1s importante pol so oxetivu, ye\u2019l de l\u2019asociaci\u00f3n\u00a0<em><strong>Reciella (families pol asturianu),\u00a0<\/strong><\/em>porque de nada val qu\u2019una academia faiga un trabayu exemplar, o\u2019l reconocimientu llegal, <strong>si una llingua\u00a0nun s\u2019usa nes families<\/strong>, nes conversaciones cotidianes y na vida comunitaria.<\/p>\n<p>Agora, cuasi 30 a\u00f1os depu\u00e9s d\u2019aquella llamada de 1994,<strong> l\u2019Academia faime otra llamada pa que m\u2019incorpore como miembru de la instituci\u00f3n<\/strong> y, siento que ye\u2019l momentu de siguir poniendo, nesti contestu nuevu, la esperiencia atropada nestes tr\u00e9s d\u00e9cades al serviciu de la llingua asturiana pa enfrentar con \u00e9situ\u2019l retu de la dixitalizaci\u00f3n.<\/p>\n<p>Como pronto entama la campa\u00f1a electoral, van permitime que me dirixa a los responsables pol\u00edticos pa pidi-yos qu\u2019atopen <strong>un consensu de m\u00ednimos que permita algamar la oficialid\u00e1 na siguiente llexislatura.\u00a0<\/strong><\/p>\n<p><strong>Porque la diversid\u00e1 lling\u00fc\u00edstica ye consustancial, fundacional, imposible d\u2019estremar de la identid\u00e1 asturiana<\/strong>, y cualquier discursu sobre Asturies que mire al futuru tien d\u2019incorporala con naturalid\u00e1 como parte del so rellatu comunitariu. Porque esti patrimoniu ye una palanca de <strong>progresu, autoestima y proyectu com\u00fan <\/strong>de tolos asturianos y asturianes, falen la llingua que falen y voten al part\u00edu que voten.<\/p>\n<p><strong>Acabo y\u00e1 d\u00e1ndo-yos les gracies sinceres a los acad\u00e9micos y acad\u00e9miques<\/strong>, y d\u00edgo-yos, igual qu\u2019a tola xente que tais equ\u00ed, que soi esi ne\u00f1u que na d\u00e9cada de los 70 lle\u00eda les fueyes informatives de Conceyu Bable que ten\u00eda so p\u00e1 en casa; que nos 80 viv\u00eda en Pilo\u00f1a nun entornu escolar asturiano-falante que foi perimportante p\u2019alquirir conciencia lling\u00fc\u00edstica; que nos 90 falaba coles sos g\u00fceles de Xix\u00f3n de la importancia de caltener el so idioma, hasta consiguir que tuvieren arguyoses de la so cultura. Y agora soi un padre qu\u2019intenta da-y al so f\u00edu y a la so f\u00eda, como herencia, <strong>una llingua que nun ye meyor que les dem\u00e1s, pero que ye la nuestra.<\/strong><\/p>\n<p>Eso somos tola xente que trabayamos con amor y convicci\u00f3n por esta llingua; <strong>un esllab\u00f3n m\u00e1s d\u2019una cadena,<\/strong> que nos apurrieron los que vinieron primero y que vamos facer por tresmitir a les que van venir. Esi ye\u2019l llugar nel que nos punxo la historia y qu\u2019asumimos con humild\u00e1, enfotu y compromisu.<\/p>\n<p><strong>Porque\u2019l nuestru papel ye caltener encesa la llume y construyir el formientu col qu\u2019imaxinen el futuru d\u2019Asturies les xeneraciones nueves.<\/strong><\/p>\n<p>Munches gracies<\/p>\n","protected":false},"excerpt":{"rendered":"<p>Fonte: Nortes.me \/ Discursu de David Guardado Diez, nuevu acad\u00e9micu de n\u00famberu de l&#8217;Academia de la Llingua Asturiana, nel actu central del D\u00eda de les Lletres Semeya d&#8217;Iv\u00e1n G. Fern\u00e1ndez Porque\u2019l nuestru papel ye caltener encesa la llume y construyir el formientu col qu\u2019imaxinen el futuru d\u2019Asturies les xeneraciones nueves.<\/p>\n","protected":false},"author":117,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[65],"tags":[],"class_list":["post-19434","post","type-post","status-publish","format-standard","hentry","category-alla"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/19434","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=19434"}],"version-history":[{"count":1,"href":"https:\/\/edublog.educastur.es\/ixuxu\/wp-json\/wp\/v2\/posts\/19434\/revisions"}],"predecessor-version":[{"id":19435,"href":"https:\/\/edublog.educastur.es\/ixuxu\/wp-json\/wp\/v2\/posts\/19434\/revisions\/19435"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=19434"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=19434"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=19434"}],"curies":[{"name":"wp","href":"https:\/\/api.w.org\/{rel}","templated":true}]}}